尋 - 治嘔的方法

很久沒有 update 了, 因為最近 noble 的情況不是很好..

早在兩星期前, no 爺爺持續有嘔吐情況出現,
有時係一食完野無耐就嘔, 有時係食完野幾個鐘之後至嘔,
上星期日去了驗血, 血球系列報告ok, 一直擔心低血小板既問題已有改善,
回到兩百幾, 正常指數, 白血球數目其正常, 只係紅血球差少少,
得36點幾, 正常要 37 或以上.

Biochemistry report, 有 3 樣超出指標,
ALKP 鹼磷酶 500+  (正常係 around 23 - 220)
CHOL 膽固醇 500+ (正常係 around 100 - 265)
LIPA 3000+ (正常係 below 1800)

睇番 noble 以前既 reports, noble 既 ALKP 從未正常過, 最低都有 300+, 但醫生從來無話有問題,
至於 CHOL 高, 係因為 noble 甲狀線素一向低,
加上自上次入院後, 醫生叫唔好食甲狀線藥住, 所以CHOL 高係意料之內
Lipa 高, 其實出院後無耐, 又唔知點解高番, 因為呢半年都係食low fat 處方糧

醫生當日診斷noble係消化系統問題, 開左抗生素(防膽管阻塞), 血液營養補充劑, 消化酵素,甲狀線藥,止嘔藥同皮下水一包(以防脫水用)...食左兩日藥, 當然止唔到嘔, 食左消化酵素, 仲嘔得勁左, 激死..

星期五拎埋d藥睇醫生, 即吊鹽水, 止嘔藥加左入鹽水到, 個晚返屋企, 只係嘔了一次, 成晚無嘔,
星期六, 返診所繼續吊埋包鹽水, 驗lipa, 終於正常, 不過alkp 就高左, 去到600+
星期六, 下午無嘔, 夜晚又嘔, 原來醫生見佢lipa低左又比番隻消化酵素佢食,
星期日又嘔, 仲有d燒.. 返到診所, 再驗多次 biochemistry, lipa & 唔記得咩離子,
lipa 依然正常, 膽固醇都正常返, 除左 ALKP, 去到 700+, ALT 比正常又高左dd,
但醫生話多少少唔係大問題 (咁即係點?? 氣死了劉生)

劉生勁問點解仍然有嘔, 因為 amylase 同 lipase 都正常, 醫生話都係似胰臟同消化系統有問題,
佢話有時即使有問題, 個指數未必show到出來 (即刻 100 個問號)

最後, 吊埋包水就走, 醫生建議繼續小食多餐, 返到屋企, 又發燒了, 一直都係38點幾度,
我地估係隻鹽水腳 (之前係醫院都係咁), 又驚係因為 ALKP 高既關係, 驚了成晚, 今朝終於去返 37.4,
總算退消了, 但精神仍然麻麻地..

嘔了兩個星期, noble 仍然好鍾意食野, 一見有野食, 隻眼即係大晒, 行來行去等食,
但食完會嘔唔係辨法, 你地知唔知可能點?? 有咩方法都不妨話我地知

過幾日會再驗血, 但今次抽血, 無左好多白頸毛, 碧碧想殺左佢地, 點解唔問下人先呢??
但為左no爺爺身體著想, 無左d毛都無計,
不過呢間診所有到好, 就係俾劉生同碧碧全日陪住no爺爺,
仲會幫佢地叫外賣, 唔洗no爺爺自己一個咁慘
希望no爺爺可以快d好返!!