3 Nov - Jungfrau, Lauterbrunnen (5th Day)

向少女峰行多步. 往Lauterbrunnen出發

.

又出事了…. 上到火車被查票, 阿sir話由Interlaken往Lauterbrunnen開始, EuroPass係唔包的. 要另外買飛. 其實我知有段開始唔包, 但記錯左.. 好在阿sir 唔駛我地比罰款, 只需要跟佢下個站落車買番一套飛就ok了. europass有七五折但都要134.8fr,  2個人要近2千蚊上一次少女峰. 好貴..

我地9點就到Lauterbrunnen小鎮, 火速放底行李去酒店就再往火車站去.

其實我地由Interlaken食早餐前, 已睇左少女峰山頂的直播 (可能因為上少女峰太貴, 佢地有個台只係影往山頂的情況, 咁我地做旅客的, 就自已決定上唔上啦). 當日天氣還好, 雖然有一陣陣的雲飄過, 但還是可以看到藍天.

去到那間煙臭味勁大的酒吧check-in. 佢地樓上係有房租的. 房都算大及ok.

約十點左右上左第一段的纜車. 在第一站看下去的Lauterbrunnen就真是classic的一個山腳下的小鎮吧, 很飄零燕…

往第二站開始的途中就慢慢開始見到雪山啦, 勁靚及壯觀.

最後用左約一個多小時才到少女峰站. 首先左行入冰做的走廊. 急急腳的我就咁pk了. 好在無事. 行到尾, 有對門口可以去高原. 唔識死的我們就咁行出去. 嘩.. so crazy.. 情況就好似用咗叮噹的隨意門咁. 內房風平浪靜. 外面就都係大家睇過的大風雪片咁. 外面只有一條用繩做的圍欄. 不嬲唔怕死的我都只能行出2步就行回來了. 連相片都不拍就走了. ( 真係難想像行多幾步出去點行返來)

最後, 我地上到比較安全的觀景台. 還是很大風雪. 但還可以呢. 觀景就還可以. 間中都睇到阿少女峰的面貌.

凍完一輪影埋相就走了.

跟Titlus 不同, 少女峰係近觀但不能踏足, 其他圍曉的雪山都很近的.  

Titlus就係比你係佢上面玩, 但其他圍著的雪山都是遠觀. 感覺很不同. 所以2個雪山都值得上..

在餐廳食了個Cheap cheap意粉, hea下就坐火車落山. 今次我地坐另一方向落山, 往Grinderlwald出發. 接著再往Zweilutschinen轉車上返去Lauterbrunnen.

又出事了~ 話說去到Zweilutschinen等到4點半才有火車. 咁我記得好清楚我有睇過車頭寫往Lauterbrunnen. 但坐左20分鐘左右, 我才發現好似有D唔多對路..我地坐返轉頭Grinderwald. 咁我就覺得可能真係無睇清楚就上左車. 只能坐回Zweilutschinen站. 好在趕到接著的一班車. 今次我就掙大對眼睇清楚. 車頭又係寫Lauterbrunnen. 但我發現部火車長左..我就諗起我地第一次到Zweilutschinen時, 我睇到2部火車2合為1.  原來往上山去, 1部火車, 到左這站時會分體..前3列往Lauterbrunnen, 後3列跟前3列分開往Zweilutschinen. 我地就係咁..係第4列上左車..所以返左去Zweilutschinen…

就係咁玩多左2粒鐘, 最後返到去時超市都關門了. 不想到樓下的臭味極大的酒吧食, 我地就咁食晒早日買落的食物. 就咁一餐..