台北之旅 Day1@21Apr09

等左好耐既台灣之旅終於都黎到喇 ~ 我地o個朝搭 8.35am機去台北!

麻煩左新新朋友仔車我地入機埸 XD

因為要就返佢朋友仔既關係, 佢5點就黎到我屋企樓下接我地lu!!

所以行李準備好lu  ~~~ YEAH 出發 ~~~~

去到機影個天都未光啊, 我地周圍影下相; Check-In; 入閘後又去左 Burger King 買左份早餐兩份食 ~ 到左8點黎到登機閘口!! 就梗係要同架飛機影返張相啦 ^^

已經4年冇搭過飛機喇....第一次真正自己為去旅行而搭飛機!

記得之前每次搭飛機都係唔開心架, 次次入親閘都喊到死既!!

今次唔會喊喇...係第一次開心咁搭飛機

睇下幾靚, 新新專登簡左機翼後既位 ~ 方便影相 ^^

10.22am 我地就已經黎到台北, 仲出左閘tim喇!!! 出閘前仲o係入面唱多左D台幣tim!! 原來人地講得真係冇錯, o係機埸入面唱, 個價都唔錯架!

我o係香港唱 4.22 ~ 黎到呢度機埸唱 4.228 XDDDDD

出左閘向左行往市區巴士方向, 我地搭國光巴士返台北車站 (台幣125一張飛)

大約一個鐘既車程就到左台北車站喇! 我地好易就去到捷運站, 之前o係香港, 新新幫去左台旅局羅左兩張 "悠遊卞" 所以我地一黎到就用"自動增值機"先每人入左台幣500入去先!

我地決定先返酒店, 搭新店or南勢角線到最近我地酒店既中正紀念堂站!!!

台北車站 --> 台大醫院站 --> 中正紀念堂站
(台幣16) 車程都只係2mins咋 ~~~~

出到站之後就梗係要影下相丫 ^0^

由中正紀念堂站行到返酒店大約15mins左右

因為未夠鐘Check-In, 所以先放低行李, 再去搵食喇!  行下行下, 比新新發現左 "度小月" wow ~ 我記得蠍蠍同我介紹過架, 所以我地就即刻入去食Lunch lu

好多野食啊, 叫左兩個set都只係(台幣360)jar ~

有前菜; 湯; 蒸蛋; 點心; 麵/飯; 主菜 & 生果盤

而且仲叫左我咁大個女第一次食既豬油飯, 原來真係幾好味架!!!

因為3點先Check-In, 我地見仲有時間, 就走左入中正紀念堂入面行下喇, 入面原來都幾大下架wow!!!!!! 行完之後, 買埋D日用品 & 零食飲品就返酒店lu ~

終於都羅左房lu ~~~ 魚魚設計房, 都幾得意丫 ^0^

我地羅左房, 我洗下白白之後休息左一陣又再出發喇!

呢一站黎左美麗華!

先到中正紀念堂站搭捷運到劍潭站 (台幣20), 出左劍潭站之後右手邊有免費巴士接送往美麗華!!! 車程大約30mins!! 去到之後見時間仲早, 我地諗住行下先, 到左入黑先座摩天輪 ~~~ 落到黎商埸就比我見到呢樣玩具喇!!!

之前o係日本漫畫就見得多, 真正見到都係第一次咋, 估唔到台灣都會有! 我好興奮咁係都要玩, 新新就比左台幣10x3coins比我玩喇!! 可以座住佢o係商埸周圍行架, 好得意啊 ~~~~ 我玩完一次仲未夠喉...叫新新比多台幣10x3coins我再玩過, 今次簡左隻樹熊  (PS 其實全個商埸都冇其他人玩....我都冇留意有冇人望住我 XD)

到左6.30pm ~ 個天黑左喇, 而且個摩天輪都著左燈喇 ^^ YEAH ~~~

平日台幣150一張飛 玩左大約15mins

(PS其實仲有隻全卞都係玻璃車箱架, 不過一來等得耐, 二來我一向都怕玩摩天輪, 所以唔洗咁激架喇 XDDDDDDDDDD)

7.00pm 搭返專車返出劍潭站當時大約7.30pm la ~ 因為士林夜市就o係劍潭站旁, 所以我地今晚既Dinner就o係士林食lu ~

傻婆介紹...黎左呢間食麻辣臭豆腐 ^^

雞蛋煎蚵餅 + 啤酒 ~ 都係台幣140

食左D野之後, 就繼續行夜士喇, 神槍手新新玩射槍 ~~

後win左一盒小小小型既層層疊返黎! ^0^

玩完又係食野既時候喇 ~ 梗係唔少得胡椒餅啦! 好好味啊, 同澳門既真係唔得架!

之後又去左第二間食野喇 kakaaka ~ 全程都係食食食!!!

麻辣冷麵 ~~ 佢得小辣同大辣jar ~ 我地叫左小辣, 但係都幾辣wow!

正話試左冇炸既麻辣臭豆腐, 依家食炸臭豆腐! 加埋辣醬&酸菜真係好好味wow!

到左差唔多10點, 我地都累了.....差唔多走lu ~~~

不過夜士度都仲係人頭湧湧 ~~~

之後搭返捷運返中正紀念堂站, 夜晚黎呢度, 都有唔少人架wow XD

全日都係用左 台幣 2000 左右 .... 台灣消費又真係好似平D wow ~~