我的舊曆生日

尋日係我既舊曆生日, 約左大仙; 小仙 & 新新一齊食飯!!!

多謝大小仙就我...去食我至愛既KFC ~~~

不過可惜.....我一心諗住食成隻燒雞大餐架麻..約左o係海運, 我同新新見未夠鐘就去冒險玩玩啦, 點知接到仙姐來電, 話間KFC裝修緊wow =.=''

算啦, 請移玉步去中港城....點知.....佢話隻全雞太好賣...."賣晒"

不過我地最後都係最食KFC ~~~ 呵呵...仙姐特別為我另外叫左兩隻密密燒雞翼!!

YEAH ~~~ 多謝

睇下我呢個豐富既KFC小型生日會

食飽飽之後, 終於都到我等左好耐既....小仙派帖喇 ~

好開心啊, 係我咁大個女第一次收帖咋!!!  所以梗係要影返張交接相留念啦 XD

由於間 KFC 收9點半...所以我地轉左去對面既糖朝食糖水!!!

第一次黎呢間, 間口已經好多人等位喇..好彩我地都係等3張o者!!!

一度傾下傾下, 又傾下小仙結婚d野, 不經不覺就已經11點喇, 之後大家各自返屋企, 不過o係呢個時候先發覺唔記得左影大合照 =____=

多謝大仙送比我既好好味曲奇啊, 我都未食過啊, 尋晚返到去都未捨得開住啊!!

多謝我家媽媽等我返屋企, 再封左封利是比我 ^0^

多謝新新o係我舊曆生日唱左首中文既生日歌過我

多謝小仙既請帖....我既等一張, 實會好好留念既, 我諗張餅Card我唔捨得用呢!

PS 我記得以前細個o羅獎, 入面既書卷都唔捨得用, 一直keep住到依家 XDDD