daddy happy birthday ! 我大個囡啦~!

上二個月，媽咪勁唔舒服，成日都好攰咁，所以都無咩去街街完，只係每個星期日，爸爸帶喬喬去教會ｐｌａｙｇｒｏｕｐ下咁！所以好悶呀．．．

上個再上個星期六，爸爸放半日，見打完風天氣唔錯，就去左廸廸尼玩半日啦～！

上午仲落緊雨，下午就好好陽光，又唔算太熱，去到廸廸尼又無咩人喎，真係唔錯啦～！那個下午我地玩左三次小小世界，喬喬真係好中意小小世界，媽咪就悶到想訓．．．．再玩左幾次巴士光年．．．媽咪悶．．悶．．悶．．

呢個星期喬喬比媽咪既感覺又好似大個左咁，高左ｄ啦，又好似明白事理左，

當然仲有反叛左，自從去完教會既ｐｌａｙｇｒｏｕｐ后，發覺喬喬學左好多壞野返來！！有次媽咪鬧完佢，佢無出聲，無端端行埋媽咪度，踢媽咪一腳，雖然唔痛，但搞到媽咪唔識反應，無諗過佢會咁，后來問返佢，佢話有個小朋友咁對佢啊．．．真係學得快，上午去完ｐｌａｙｇｒｏｕｐ，下午就對住媽咪試範！！不過無可避免啦，遲ｄ返學都預左係咁，唯有即時教返好佢，希望佢明白咁係唔岩啦．．．

九月四日係ｄａｄｄｙ生日，當然要訂返個一磅ｃａｋｅ來食下啦，

喬喬好中意食旦糕，成日話要ｂｉｒｔｈｄａｙ　ｃａｋｅ，要唱生日歌！

初時以為一磅ｃａｋｅ會食唔晒，但食食下發覺都唔係好大，食得晒架

一件旦糕對喬喬來講實在太唔夠喉啦．．．當然為健康著想，食一件夠啦～！

睇蘇文風話，眉粗既人，平時食野唔做野，做野打爛野！　

我覺得好準呀，喬喬係人辨，平時粗粗魯魯．．．做野又大意，成日撞板．．．

都係因為眉太粗．．．．．