感謝

細佬出世后已２０日啦

食奶都算穏定，訓覺情況亦算唔錯，

一日６－７餐，　每餐　１００－１２０ｍｌ

基本上食完都會訓，但一天總有某一餐后係唔訓，想人抱下咁～！

晚上最后一餐為　１點半－２點食，可以訓到　５點半后才醒，有時６點后，

算唔錯呢～！

今次同喬喬出世后一樣，有請陪月姨姨幫手，而２胎都係同一個姨姨湊，

所以喬喬對陪月姨姨既感情都特別好，每朝姨姨來都開門，又好中意問姨姨野，

陪月姨姨對喬喬都好好，有時媽咪太攰訓左晏覺唔知醒，喬喬又醒左時，

姨姨會幫手睇埋喬喬，為喬喬準備埋水果之類小食！

媽咪好感謝陪月姨姨既照顧，真係為媽咪減輕唔少，

基本上日頭媽咪都無抱過ｂｂ，全程姨姨搞掂！但還有個小女兒要媽咪照顧，

所以今次坐月比上次訓少左，日頭只可以訓１－２小時，

因為喬喬起身，媽咪也要跟著起來～！＞．＜

晚上斷斷續續都有４小時既～！

亦好感謝老公，感謝老公肯出錢比我去私家生ｂｂ，出錢為我請陪月，

ｈｅｈｅ～！

最感謝老公肯幫我餵２點果餐奶～！