2歲8個月 - 喉嚨發炎

２歲８個月啦～！

上個星期喬喬連續幾日食ｍ記薯條，去飲茶又食最中意既咸水角同春卷，就係咁星期日晚發燒啦！！雖然唔係高燒，喬喬精神唔錯咁，但令爸媽好担心，第二日朝早即刻帶佢去睇醫生，醫生話喉嚨發炎，要食三日消炎葯，但呢幾日燒都不停發！

星期三晚仲發高燒，燒到３９度幾，食完退燒葯ｄ燒都唔係點退（因為歲半時尿道炎又係咁發足幾日燒，所以一發燒又無咩病徵，就担心）！第二朝又去睇醫生，今次要食三日擴生素啦，唉～　真係好担心！媽咪呢幾日都無訓覺，晚晚二個鐘起身一次探熱，搞到個頭好痛！好彩，係星期四晚開始退燒啦，所以話小朋友一病，最辛苦既係大人，担心又無覺好訓～！

今次教訓真係大，小朋友真係唔好食咁多熱氣野！！以后都係一星期先食一次ｍ記算啦～！

（發燒當日下午，仲食左件ｃａｋｅ當ｔｅａ）

（發燒后無得出街，唯有在家同公仔排排坐）

（玩下氣球無咁悶）

（提早同大家講聲　恭喜發財）