Europe Trip 歐洲初體驗 - (一) 旅前準備

雖然唔係第一次出國，不過去歐洲係第一次，心情少不免有點緊張，planning係旅行之中嘅一項重要項目，我好enjoy planning 嘅樂趣同埋佢帶比我對是次旅行的期待，所以，第一篇先講講旅前準備吧。

今次旅行嘅主要目的係觀光，唔係購物，而且係自由行方式，所以行裝帶得越少越好，大喼細喼嘅行李箱一概免問，拎既只係一個可以承受 up to 40磅重嘅 backpack (背囊)，所以個背囊一定要選得啱身(有尺碼之分o架)，我嗰個係係幾年前買落嘅(果時以為當年會去Europe)，好彩身形冇走樣，今次攞嚟用都好啱身。

【下圖】 我用呢款美國Gregory 牌 Forester 系列嘅 backpack (for women)

我嘅 packing list 就根據Rick Steves所建議嘅去執，自行加多減少，其實真係唔駛帶好多衫褲，最好帶幾件夜洗日乾嘅面衫就OK啦，去兩星期，就帶5-7日衫，另外，因為會上雪山，所以帶多件fleece(<-- 好有用！因為有d城市夜晚都比較涼，所以冇帶錯！)。歐洲d樽裝水好貴，所以都帶咗幾支去頭幾日用，仲帶兩包牛肉乾做小食(途中肚餓又冇嘢賣先用嚟依肚嘅)，娛樂用品如MP3 player、書等都冇帶，減輕負擔。

為咗想了解更多旅遊景點嘅資料，我就借咗一d DVD返嚟睇, 就係Rick Steves嘅歐遊糸列，好好睇，就算你去唔到，都有至身其景嘅感覺，順帶一提，我仲帶咗佢出版嘅Best of Europe去旅行，作為盲公竹添。

【下圖】 Rick Steves嘅DVD系列同Let's Go Europe指南

至於旅遊路線，如下：

德國Germany - 奧地利Austria - 意大利Italy - 瑞士Switzerland - 法國France - 德國Germany

一行四個大人，其中Ｔ君曾經去過歐洲，所以行程同住宿編排由佢負責，我就跟大隊，行去邊跟到邊。講明自由行，機票同火車飛都係自己上網訂，每人買一套Eurail Pass 火車票就穿梭五個國家。

好嘞，一切準備就緒，可以出發啦！

下一篇： (二) 第一天 - Hallo, 德國!

後記：

1. 預算旅程中約一星期洗一次衫，點知冇洗衣店，只可手洗涼乾，所以先前所提及「夜洗日乾」衫好重要。

2. 編好要去嘅國家最好唔好改，因為改Eurail Pass都幾貴，我哋本來想代替瑞士，改去荷蘭同比利時，點知 charge 約$350 euro，所以唯有照原定計劃。

3. 啱身嘅背囊好緊要o架，當你未到住處之時，要揹住佢行好耐，所以一定要試到啱先好買，唔好貪平。