關於：米高積遜

早上一覺醒來，從朋友 facebook status 得悉 "MJ passed away"。初初還以為是哪個 MJ.... 原來真是我認識而他不認識我的這個 MJ...... 

喔，還好，一生充滿傳奇。

不是說風涼話，只是覺得... 實在有太多人一生混混噩噩唔知做過 d 乜咁就死左。

老米 的人生....「可做 / 想做 / 可能有做 / 做左都話無做」的事都做過了，應該說是死而無撼吧。

這十年，提起 MJ，我只會想起那條連郭富城都跟著穿的鐵幕誘惑三角褲、陳偉霆開口埋口提住繼而示範的 moon walk、報紙登了九千個九次的掟仔落街相、幾年前陪老細在舊公司通宵達旦做的 MJ 搞細路特輯...etc. 

今天上網已經見到無數咁多 MJ 的生平。

其實每次老米掟仔落街、有傳鼻哥走位兼怪病纏身，報紙都會完完本本 copy & paste 一次。對於他的一生，我都經已夠清楚了。只是，今天再看，會多了兩句：

「復出在即、搶救無效、證實死亡」。

今天第一時間打比媽咪：「媽咪媽咪！Michael Jackson 死左呀！」

媽咪話：「係啦... 佢本身話要復出架嘛..... 我諗佢都知自己咩事啦，諗住臨死搵返一筆。」

當時我心想.... 嘩~ 你又知?!

老米跟大家說再見，好像是很突然的事，但其實又好像是預料之內。

有時候，離去的人或會突然被美化得潔白無𤫑好似雞蛋 mok 左個 E 一樣咁完美。