趕住拜神

跑入廟的那段路

我在想

我會上電視嗎?

我要投訴大婆台的新聞報道! 誤導啊!
話人地收 7 點, 人家明明收 5 點半~

"趕   住   拜   神   啊-----------!!"
朋友邊跑邊大叫.

甚少拜神; 卻對求簽有點興趣.
對上一次求簽, 也是生平第一次求簽, 是會考前夕的事了.
某天放學, 哥斯拉 表示心情不好, 可能有心結, 結果, 拉了我去學校附近的廟宇求簽.

那支簽我保留至今.

朋友是誠心到來祈福的, 跑入車公廟第一件事, 便是去格價買香.

隨著警方的清場廣播, 廟內人人各有各忙, 賣東西的落力清貨, 善信手忙腳亂, 廟宇的工作人員也忙個不停.
朋友四處打聽拜車公的程序, 我便痴了她三支香, 等她一輪拜神程序完結, 入廟進行我期待的 求簽 環節.

左右偷看... 發覺, 原來自己真係唔識拜神....
到底我眼神要怎樣? 姿勢正確嗎? 拜的時候是點頭還是彎腰的呢? 我不知道.
生怕被取笑, 快快趣走入求簽區算了...

一場黎到, 求多兩樣好似抵 d.
手執三支簽. 噢~ 很開心啊!

"死蠢!! 你第一次求簽啊?? 你求完一樣野, 記住個 number, 要放返入去先再求架嘛!!"
起身那刻, 聽到後面有個男人罵女朋友.

我望望我手上三支簽...
e...?

"邊有人好似你咁蠢!!!"

此時, 我的心亂一亂, 都經已將第二簽和第三簽搞亂了~~
心裡一沉.
反正都搞禍了~ 再求過~
努力地記住第一簽好了.

求簽後, 我們趕快去擊鼓, 又趕快去轉風車~~ 大汗淋漓.
香港式的拜神, 好香港人.

離開廟宇, 我問朋友: "其實求簽係要開眼定閉目呢???"

朋友答 : "應該是閉目的!! 我見隔離個師奶都係閉目架!! 所以我都眉埋左眼!!! 不過我有偷睇!! 如果唔係我唔知支簽跌左出來未!!!"

------------------------------------

明天走了.
L.A again!!!!
荷里活 商場~ i'm coming!!! again!!  

=_=