網誌分類：お姫のお店 |
圖片
網誌日期：2009-09-16 12:22
香港舊角落--預告篇
有見自己常起日本建築物,有點悶呀!!
所以作為100%香港人既我
係時候建造一些陪住我長大既香港特色建築物啦!!
這次作品圍繞住香港地道一些既建築
有懷舊冰室(茶餐廳),有街頭小食,有舊書報攤,有街坊鞋鋪,有舊式理髮鋪,有舊式士多...仲有舊式唐樓...等等
作品未完全完成呀!所以只暫時放一些相片出來,當作預告先啦!!
預告篇--懷舊冰室
冰室收銀櫃面
冰室必備--卡位同雪糕紅豆冰
黑色告示牌同冰室餐牌都係自己recolor呀!
冰室水吧
賣麵包同蛋搭
"歡迎光臨"紅地毯,自己recolor呀!哈哈!!
從街道望入冰室
街頭小食,(發記魚蛋檔自己recolor呀)哈哈!!可以望到行入去有其他鋪頭呢~
舊式街頭理髮鋪~(還記得細個有老夫子同牛仔睇呀!!)
街坊鞋鋪,幾十蚊就有對鞋啦~好多師奶幫襯呀!!
多謝欣賞
下期再會
ty_nic 2009-11-01 12:34
你好呀,呢啲全部都係你整架?用咩軟件可以整到架?
仲有你啲作品真係好正~!
Ohime2009-11-02 11:12
你好!!多謝你欣賞我既作品呀!!
入面有好多物品都係dl返黎,之後就用黎自己設計起屋啦~,而物品改色我就用simsPE,同埋改圖軟件(Gimp),呢個軟件類似Photoshop~~
歡迎多多來呀~~
Lai Lai 2009-10-12 11:44
HELLO~
終於見你的新作啦~
好懷舊的情景~以前既<冰室>^^令我回憶小時候同爸爸嚐我第一次的西多啊~
Ohime2009-10-16 10:43
Lai~~Lai~~
好耐無見啦!!
因為ohime太懶啦~~~哈哈!!所以要好耐先會出新作呀~~
係呀,呢次主題係香港,仲加左d 懷舊feel落去,因為身為香港人,都係時候整吓香港既特色野~~哈哈!!
好開心呢個<冰室>可以令Lai Lai回憶起小時候呀!!
night~night 2009-09-18 23:31
好有香港仔風味的~好正呀!!
你自己整埋餐牌同招牌好令人羨慕呀~^^
可以令個景更真實!!又隨心所欲的!!
加上環境做得舊舊地...真係好有香港情懷的感覺!
我想加入人仔就更加perfect 了!!
預告篇都咁精彩!好想看到更多呀!
Ohime2009-09-22 12:20
night~night~~
多謝night night話正呀!!
係呀,搵唔到岩用既野dl,就不如自己整,真係可以令個景更迫真呢~
記憶中以前d 冰室都係咁樣,舊舊地,懷舊一吓囉~~哈哈!!
係呀,未完全既作品,所以未可以加入人仔,等我完成之後,嘗試拍吓有埋人仔既圖先~~
俾d 時間我,我太懶啦~~完成就放出黎啦~~
薄荷 2009-09-17 06:12
Ohime~見到你有新網誌仲以為係日本小街頭內部照tim~
原來係玩港式懷舊風!呢次主題真係一絕呀~有新鮮感之餘又可令人回味童年的確唔錯!
第一幅已經好有感覺喇~以前D收銀位真係好鐘意掛幅大畫,提字仲要係大展宏圖,櫃檯果包駱駝煙就夠經典啦~
咦~果然有糕紅豆冰食喎~餐牌造得好似呀~罰款傳單就更加掂啦!(隨地吐啖罰二千好搞野啊~)
地同牆身都係用紙皮石好有舊式冰室風格呀~
哈哈~ohime原來都記得以前枱下面係放沖涼盆唔係放紅Ａ水筒~
麵包位置擺設十足十,尤其蛋撻玻璃箱!
發記魚蛋五蚊串好貴喎~理髮店好得意呀~
當然記得有老夫子同牛仔睇啦~
Ohime2009-09-17 11:47
hihi~~薄荷~~
哈哈!!最近唔玩日本feel住啦~有d 悶呀!!哈哈!!
轉轉新口味,玩自己最熟悉既香港啦~多謝讚賞呢次有新鮮感呀!!回味童年的確令人好多感覺呀!!
係呀,以前d冰室既收銀位一定有幅大畫,唔係畫就一定係字,仲要係"生意興隆","大展雄圖"呢d 字~哈哈!!
多謝薄荷欣賞我既餐牌同告示牌,記得以前d冰室張告示牌係用雲石雕個牌同字,好經典既告示牌呀!!
係呀,舊式冰室通常都係用紙皮石,依家新既茶餐廳就反而無晒呢d feel啦~
哈哈!!係呀,我記得枱下面放個沖涼盤要黎倒水同收碗碟,d 清潔亞姐見滿左一盤就拎入後冷用手洗呀ma~唔係放紅A,不過,薄荷一提紅A水筒,我覺得都係細個回憶之一喎,因為紅A牌應該無咩香港人唔識啦~~哈哈!!
魚蛋,街邊理髮,老夫子,牛仔全部都係香港人既文化呀~~希望大家都feel到懷舊既情懷啦~~
夢天使 2009-09-17 00:02
嘩~~~ ohime做的茶餐廳真係超勁似呀!!
簡直唔相信係sims2作品....當然我知道一定係!
果種懷舊風格你完全可以發揮到出黎....好佩服你呀~
我睇住牆上的餐牌諗左好耐...好似從未見過有咁既餐牌download...
原來係ohime自己動手recolor的~~ 唔怪得之啦!! 好勁呀你~~
水吧位置又係超勁似呀!!我仲好似見到老人牌麥皮呀~~
係唔係你自己整ga?
放麵包同蛋塔的位置都好懷舊呀~
d 玻璃櫃配得好好呀!
理髮店好得意呀~~ 好似走左入以前年代咁...
講起老夫子.....我細個真係好鐘意睇呀!
我仲係笑到停唔到口.....
我估你都係鐘意睇老夫子....because我地係同學仔嘛
Ohime2009-09-17 11:23
自己整完個冰室出黎都覺得真係幾似,真係好開心呀!!放心啦,絕對係sims 2既作品黎呀!!哈哈!!
真係好開心你feel到個種懷舊感覺呀!!記得細個既時候,可以去冰室食杯紅豆冰已經係一件好開心既事黎呀啦~所以對冰室有種特別既情懷啦~
係呀,有時搵唔岩自己想要既野,就不如動手recolor,可以令作品更加岩feel ma~~哈哈!!
水吧位我自己都好鍾意呀~係呀,你真細心,老人牌麥皮都俾你發現到
~~不過,呢個就唔係自己整呀啦,只不過係dl 返黎既~~
記憶中冰室一定有賣麵包同蛋搭位置,仲有d 綠色既膠碟,所以就整埋出黎啦~多謝天使欣賞呀!!
哈哈!!係呀,理髮店係街邊檔,相信好多人都好懷念,依家唔知仲有無地方有呢?
老夫子直頭係我既最愛漫畫啦~
真係香港人既文化,係超級鍾意睇~記得細個去親飲茶,爸爸就會買一本老夫子俾我睇,儲埋儲埋好多本,不過,一次搬屋媽咪就掉晒lu~哈哈!!如果唔係,依家可以成為古董啦~
伊莉 2009-09-16 14:01
Ohime2009-09-16 15:52
hihi~~伊莉!!
真係好耐無出現啦~哈哈!!因為太懶~~
其實我都發現無咩人整香港,所以都嘗試整吓啦~茶樓ohime以前都整過呀,不過,係好耐好耐之前,個時完全唔識d 技巧,所以唔多靚囉~~哈哈!!
多謝伊莉讚賞我既作品好真實呀!哈!因為ohime真係好鍾意整真實的作品呀!!
當然啦,作為一個土生土長既香港人,對香港既建築物佈置一定有一種好濃厚既感情呀~~我希望睇既人都有同一樣既心情就好啦~~
哈哈!!recolor既物品可以令到d 作品更加迫真呀!!多謝話正呀!!
伊莉鍾意個水吧就好啦~係唔係令你諗起"九龍冰室"呢?哈哈!!
ohime最近好好呀!生活寫意呀~~國慶暫時都無打算住,可能留係屋企hea 足一日就好滿足啦~~哈哈!!