Funky Dance

　　好耐之前聽同事講話係三聯買左隻Funky Dance既DVD，係一個叫潘若迪既台灣人教既，佢仲話跟住黎跳幾好玩又keep到fit，跟住又有D bloggers提過呢個人，於是我就開始留意有無得賣，但一路都無發現。

　　到今年初，我經過新世紀，醒起嗰到有間三聯，於是去睇下，真係比我見到，仲有四隻唔同款，我一次過掃晒，都係百幾蚊（因為係大陸出既）。

　　我係一個好懶做運動既人，join過physical同california fitness都係side錢，原因係覺得做gym好悶同埋懶去fitness centre，呢隻碟真係啱晒我，我唔識跳舞，但都覺得跟住跳幾好玩，個老師個look又超級搞笑；最重要既係令我可以係屋企做運動，出一身汗，當然前提係我夠膽係屋企人面前跳怪舞同唔怕比佢地笑。

　　雖然我都仲係好懶，但隻碟真係令我做多左運動。希望黎緊跳多D，影相時fit D。