網誌分類：未分類 |
離開只係兩星期,嘩!!變天呀...公司單新聞上咗娛樂版頭條咁滯,同陳冠希咸濕事件有得揮呀!!
喺台灣已經收到風,香港煙仔加成 50%稅, 個低能政府話因為多咗細路仔食煙至咁做!! 呢班腦大生草既官真係俾屎餵都嫌浪費!!
細路仔,學生哥食煙風氣盛,主要原因咪係社會教育失敗囉! 要解決呢個問題,簡單到唔駛諗,凡未滿十八歲或穿著校服者唔俾食,捉到咪罸佢地 - 社會服務 - ,再犯咪罸Q佢一萬幾千,總之罸到佢地怕咪得囉! 就算真係要搶錢,搵個好啲既借口啦!!
之前加到三十蚊一包,已經培養出好多批走私煙高人,呢次簡直係皷勵更多人去犯法!
以為話換個曾蔭權就會好啲,原來都只係換湯不換藥!佢同董伯伯既分別只係一個老啲,一個後生啲,一個肥啲,一個瘦啲! 但係都同樣喺 - 腦大生草!阿頭係咁,唔怪得搵班官都係一樣,有腦夾做得嘢既人真係埋唔到佢地堆!
呢個低能白痴無能夾昂九九既特區政府,到底係度攪乜鬼呢? 又執幾間酒樓囉!!! 領匯繼續食水深囉!!公共機構係咁加囉!特區政府繼續昂九九囉!!
地獄4.jpg
地獄3.jpg
割舌.jpg
大小姐· 2009-03-23 12:06
FIONA 2009-03-04 00:59
Felicity 2009-02-28 01:55
呢班官個腦生草架
阿Man2009-02-28 21:30
佢地有腦,香港就唔駛回歸咁耐衰咁耐
..一有風吹草動,除咗只係識得抱住中央對腳叫救命之外,仲識得乜?
由政府到私人機構,做嘢方式係好令人發笑!! 好似我地做電視咁,已經好多年都係 - 稍為話得事既人創作節目時,第一間係先諗 - 老細中意乜嘢- 而唔係 - 觀眾中意睇乜嘢!!
班官做嘢第一時間會諗 - 中央中意乜嘢 - 而唔係 - 人民希望點樣!!
跟住就吹到連自己都唔記得講過乜,跟住逼落手落腳去做既人去實行連吹既都唔知係乜既工作!!咁樣諗,咪由一開始就錯哂囉, 仲邊會有好嘢出嚟丫!! 我哋而家就係面對咁既政府!! 係工作上,亦同樣面對住咁既人!!