網誌分類：鬼鬼怪怪異像館 |
自從那位間接認識的朋友用自己的力量擺平了撞鬼經歷後,生活回復正常,運氣漸漸回順.經過這件事之後,她除了明白到 - 神棍滿街走 - 的社會真實一面,更清楚地明白到自己的信念,意志真的可以為自己解決一些切身問題!
當然,鬼神之說無論用神學,靈學,甚至神化角度來說,都只是引證,假借,而缺乏科學上的論證.但是從我們日常生活中的經驗,宗教理論中的實踐,個案中的引證等等結合,總還可以有一套具理性化的理據讓大家思考的!
不過，由於現代墮胎的普遍性，所以「嬰靈作祟」便成為現代鬼神觀的主要用詞之一，用在女性身上，幾乎百發百中！所以那位朋友在那些師傅的誤導中也認為自己被嬰靈纏擾是可以理解的。
而在外力不能幫到自己的情況下，她運用自己的 – 能力 – 去擺平這件事，其實也不神奇，因為人本身就具備著很多被埋沒的能力！而這種能力一直被封印在 – 深層意識 –即是佛學中的 「阿賴耶識」中。這些能力可以透過各種修行而喚醒，也可以因某種情況而突然誘發。
反之，坊間那些以鬼神謀生的生意人，因為只是借用宗教名義，目的只是為名為利為私慾。所以基本上都不具備真誠為求助者解決問題的 – 菩提心，也不具備相應的 – 能力。甚至對於求助者的生死，他們一點都不關心，只關心對方口袋有多少錢可以轉到他們的戶口去。
至於怎樣去分辨那些人是以鬼神謀生的生意人，那些人才具備能力為求助者解決問題。其實真的很簡單，就是 – 收費 – 問題。不管是以「香油費」、「功德錢」也好，總之列明每一個項目收費的，肯定是以鬼神謀生的生意人。
由於修行人先修的一定是「菩提心」，而且都會遵從宗教所定下的誡律，所以通常行功德不會計較「錢」的問題，因為這些人深信，行善只是修行的基準。
不過一般人視「收費」是合乎現代經濟模式，「超度」、「驅邪」、「傳法」等收取高昂費用也是合理的事。反之，做了事，幫了人，真心傳法而不收取任何費用，不單止被視為不正常，甚至會被認為必有不軌企圖！
縱然不少神棍騙財騙色的事例擺在大家眼前，可笑的是很多盲目迷信的人只是有眼無珠地在看八卦，笑別人怎樣被神棍玩弄，而沒有看到事情給大家一個明確的警醒！這邊廂笑神棍不知羞恥騙人，笑被騙者如何如何白痴，但自己一轉身卻投向神棍懷抱，被對方強姦了還要掏腰包千多萬謝！
這就是我們社會中的實相！
cap0028.jpg
cap0004.jpg
重新曝光cap0037.jpg
玄心筆記 ~ 殷哲吾 2009-07-03 19:55
所以一般人來求醫/求救 , 我都叫佢地上來比師父睇睇 ! 您估真係睇吓佢地個樣咩 ~~~~ 真正要睇嘅 , 係佢地 D [ 業 ] 係咩來源 , 再問問可唔可以比個機會佢地改過 !!! 如果都可以 , 就會幫手做野 ! [茅山 ] 就係有呢種力量 , 不過都唔可以亂來 , 所以一般係自己 "家人" 就點都要幫啦 !!! 其他人 , 真係要有好重 "緣" 先可以 , 師父都話 , 真係有心上到來 [壇] , 才能有機會出手幫 !!!
哈 哈 ~~~~ MAN 兄 , 我地咁樣 [爆] 人地 D 衰料出來 , 都應該可以利人 , 真係 " 乾元亨利貞 "
阿Man2009-07-03 21:37
我老師都叫我地唔好亂講,不過唔係禁止!!
佢話呢啲係各有緣法,所謂佛都會殺人,因為係佢既願力,以 - 逆地菩薩 -式修行!而且冇咗反面教材既人存在,修行人亦都變得無功德可修!呢啲就係大道造化 - 陰陽調和 - 既一種狀況
另一個角度,就算將人間一啲實情講出嚟,又係緣法! 所謂大道不平有人踩既,做吓醜人冇壞既,雖然知道神棍橫行,迷信既人點極都唔會醒,但係都唔能夠錯失任何千萬份之一既機會既!
又唔係爆邊位邊位係神棍呃人,除非佢地身有屎,咪覺得係講佢囉,呢樣幫佢地唔到囉!!
玄心筆記 ~ 殷哲吾 2009-07-02 22:47
善財難捨 , 冤枉甘心 !!! 講真 ~~~ 想幫人 , 都要個 D 人自己想幫自己 [先得] , 好多時~ 出於好心去幫人 , 重會食檸檬 !! 果 D 騙棍吹吓水 , 作吓估仔 + 嚇吓鬼 , 就會收到大大封利是 !!! ~~~~ 哈 哈 ~~~~ , 盡力做好自己本份 + 修煉好力量 , 到需要出手嘅時候 , 可以立即行動 , 咁就可以利己利人啦 !!!
阿Man2009-07-02 23:47
龔如心可以話俾大家知!! 捐去做慈善都冇俾陳振聰咁手爽!!
講到醫絕症,啲神棍講就天下無敵!! 真係你話醫就醫咩!!話之你種九萬幾個生基,真係搵到幅風水靚絕既地又點,你本身無福之外,仲要睇吓功德薄上有乜功過值得上面幫你先!
就算係因果病,知道係靈體攞債都好,以前老師都講過,首先你自問一下受唔受得起同人受呢段因果業報,.就算你夠功力而又受得起,都要睇吓對方係唔係咁值得去幫,佢做過乜嘢好事功德,如果乜都冇,點同上面啲大佬申請許可證收攞債既靈丫! 唔係夾硬嚟就一定得,分分鐘收人唔到,講理又輸埋就好玩囉!!
不過啲神棍當然冇呢啲修行常識,我亦深信佢地對因果病都係一籌莫展架, [ 天圖佈局 ] 都夠膽講出嚟既,嚇啲唔識既人就得,呢方面多少少知識既都笑佢地白痴啦! 不過呢個世界係咁,所以有唔少盲毛咪俾陳振聰佈到局囉!
希望大家能夠知多啲呢方面既知識,就唔駛俾人當水魚之餘,仲分分鐘可以避到好多不必要既劫添呀!
玄心筆記 ~ 殷哲吾 / 受吾 / 羅吾 2009-07-02 02:22
阿Man2009-07-02 10:21
好多真心想幫人積功德既修行人,法師真係遇過唔少呢種人,一聽到你地話唔收錢,呢種人通常反應 : 佢得唔得架....唔收錢佢食風咩 ...唔收錢一定有古怪!!
佢地根本唔明白,修行人只能夠以法助人!! 唔係話倒人米,有啲必要程序收錢冇問題,好似出殯儀式,人地真係靠呢樣嘢搵食,明買明賣OK既,但係捉邪捉鬼,係功德嚟家嘛,做得到好過收你一萬幾千啦!
所以呢種人一定要俾人呃都冇計!!
在對與錯裡 我永遠都是錯 小希 2009-07-01 20:59
阿Man2009-07-02 10:28
有某啲法師或巫師係具有控制靈體力量,但係呢類人絕大部份亦唔明白靈魂本質,而且利用鬼仔行事成功率亦冇保障! 所謂邪法有好大部份只係心理作用,而喺實際情況下根本就起唔到任何作用.換句話講,都只係江湖技倆!!
如果真係可以統計,我敢講,借用呢啲力量發達既機率近乎零,而大家成日聽埋聽埋咁多,都只係希望利用鬼神搵錢既人作出嚟既廣告鬼話,因為某人話經佢手作過法既某君點點點,一方面只係佢話,而某君肯定是他那一邊的人!!
我並唔太相信運可以借,咁講啦,我係開放式既,有本事咪將我啲運借去洗,唔駛還既,!!
倉鼠Candy 2009-07-01 12:57
阿Man2009-07-02 10:29
小甜甜事件,個人都講過並唔係一個人就可以做到,不過用呢個方法去呃人地成副身家,諗既人已經有問題,而實行既人更加係白痴!!
單講牌面,呢單嘢條神棍已經輸九成,冇得玩架!!
在對與錯裡 我永遠都是錯 小希 2009-07-01 08:22
阿Man2009-07-01 11:21
祈求鬼神的助力,這是一般民間受到宗教人士的催眠而認為是可行之道!!
但是人往往忽略一點,人本身的 - 天道大運!! 另外,就算希望鬼神相助,人本身曾有什麼功德,而能夠請到鬼神幫助也是要思量的!!
無論大家從坊間流傳,或者親身經歷,和外國不少靈魂學者的研究經驗所後,靈魂離開人的軀體後,本身能夠擁有多少能量?這些能量用於自保可能已出問題,還說要助人,這就有很大商榷的餘地!!
稍為接觸過玄學的人,也應該知道 - 福人住福地, 這是一種自然配搭,無福的人,就算突然了中巨獎也好,最後都會因為本身無福而出現問題,這是很現實的問題,像以前那位中了兩次巨奬的看更阿伯,雖然仲了幾千萬,但最後都因為自己無福,所以現在淪落至妻離子散,人財兩空!外國一名七十多歲的伯伯,中了英國史上最高的彩金高達一億多英磅,幾年後的今天,同樣面對老婆走了,.錢被騙光了...現在還要在戒酒中心接受戒酒治療!
所以,人要很清楚自己的能力,和所作所為,妄想依靠外力能令自己有姻緣,發達的人,正正是 - 懶貪笨 -那一類,這類人,這類人的運氣將會因為自己的盲目愚笨而得到教訓的!