曾蔭權坐直升機

曾蔭權真係好搞笑，果日坐直升機扮温總視察災情，可惜係遲幾日，仲只係逗留十分鐘，只係手指指，仲要揾人招呼佢，之後仲冇指揮同統籌救急善後，佢冇做亦冇比人做，唔知佢出嚟做乜？雖然我唔係大澳住，但我絕對想像倒果種苦况，但係天災係冇人想嘅，儘管可能有人為嘅因素，但依家最緊要係解决最基本嘅水電交通電訊報務等需要，問責係之後嘅事，要調查過至知原因，不宜胡亂猜測，而恢復各樣設施亦的確需時，可能限於技術關係，冇可能即刻要有就有，居民只有耐心等候，而當局亦應該有人統籌各種善後工作，通知居民工作的進展，當局亦應檢討現有各種設施同制訂應變措施，以便將來能夠應付類似今次或更大規模災難嘅發生。