Sandy剝左9隻牙(11/11/09)

一向超靚女既Sandy婆婆，近來經伸條俐出黎，初時以為佢年紀大，有小小老人痴呆，點知近兩日見佢流口水，而且好似有D痛既感覺，拿拿聲帶佢去睇醫生，原來口腔發炎，又有爛牙，仲好利害TIM，立即同佢BODY CHECK左先，事關Sandy已年紀大，13歲，不能夠話做手術就做，CHECK過晒血糖、肝、腎，一切非常好，安樂晒，立即BOOK第二日做手術剝牙，唔想佢多一日痛苦。做完手術要留院一晚，掛死我，第二日去接佢，診所既護士話佢發晒皮氣，仲鬼咁惡死，我都知呢個女非常野蠻，但估唔到佢惡成咁。

最令我煩惱既就係，SANDY一向唔食濕糧，只食乾糧，我開過罐頭比佢(唔食)，開A/D(唔食)，浸濕乾糧(唔食)，用針筒餵佢(發晒皮氣)，係都要等我比乾糧佢，我唯有比BB乾糧佢食啦，佢就拿拿聲食，但食到成糧兜都係口水，煩死。

好啦，番屋企啦，SANDY，唔洗驚，呀媽響大廳

一番到屋企，立即變番嗲嗲貓，係咁痴住我，但好似未醒晒，呆呆地

剝左出黎既牙，因極度嘔心，所以變成黑白照