東京之旅 - Day 2 (Part 3)

第一站 - 二木の菓子

要買帶子食呀~~ 嘻嘻, 有人"咩"帶子"咩"到傻左

第二站 - Yamashiroya

本來係陪人買野, 點知我買得仲多......

財散人安樂, 出發去淺草~ 首先要去買往台場嘅水上觀光巴士飛. 不過見到碼頭前.....嘩~ 好開心!!! 因為發現隅田公園係隔離!!! yeah~ 又有櫻花睇~~

不過再望一望個碼頭.... 見到好多人係到排隊, 而且指示又唔係好足夠, 問啲工作人員, 佢地就叫你去排隊啦... 好啦...咁排啦... 人排我又排, 日本人真係好鍾意排隊架遮... 排排下, 唔甘心, 用我識得嘅日文又去問, 都係叫我排啦... 唉..... 排左半個鐘左右, 終於排到入去買飛啦!!!!

買完之後... 因為實在太攰啦, 一見到書有介紹嘅百年天婦羅老店三定, 即刻走入去食!

http://www.tempura-sansada.co.jp/

店內的一角, 屏風後面有たたみ位, 而且仲有2樓, 不過冇上到去, 唔知咩樣

上天丼 (1,735円)

天丼 (1,385円)

兩款丼嘅料係一樣嘅, 有蝦, 魚同埋一塊勁好味勁足料嘅かき揚げ, かき揚げ係一塊有蝦有魷魚仲有唔知咩嘅炸物, 超滿足~~~ 如果大家冇食過呢隻日式天婦羅飯, 一定要去てんや或者三定試試, 因為係超好味~~~~~!! 呢隻天婦羅首先唔熱氣, 而且係唔需要落任何醬油, 因為本身已經落左!! 仲要用好香嘅麻油炸, 令人食到停唔到口~ 再加上軟綿綿嘅日本米.... 對唔住, 一粒飯我都冇食淨!!!!!!

食飽就去雷門囉~ 我未去過嘛... 唔好笑我...

到此一遊照, 你睇下幾熱, 我著件薄長袖衫就夠啦

行仲見世通, 行第一間時, 爭啲做左傻仔遊客想買野.... 不過好彩忍得住遮, 哈....

好野, 又有櫻花~~~~ 櫻花加寺廟, 好日本呀~~~~~

入廟唔拜神, 我地呢啲有鼻敏感嘅人不宜拜神

唔拜神就求籤啦~~~

yeah~~ 吉呀~~~~ 天氣咁好, 俾我見到咁多櫻花~ 吉吉吉~~~

繼續逛逛淺草~~

睇jptime知淺草有個遊樂場, 不過唔玩lu~

搭船前, 再去隅田公園影下櫻花先~~~