2009

我番黎啦~~ 前排實在太忙太忙, 番工番學校外校內試執手尾handover去新位一次過發生哂.... 真係人都顛..... 雖然之前有得放一個星期假, 但係整整下, 都係有好多野要搞, 之後又去左轉台灣, 所以要到左2009年先有時間update個blog  

整幾張靚相俾大家睇 當然唔係我影架啦... 我隻手邊有咁定呀~ 哈哈~

企係到等左成粒鐘呀!!! 雖然準備定暖包, 但係都係凍到痴左線

2009年做既第一件事, 就係係屋企睇"葉問", 一心諗住會被悶死, 實會睇睇下訓著覺, 點知出乎意料又幾好睇~~~ 冇咩廢話, 打得俐落, 係有少少嫌佢地揀左池內博之做個好識打既角色... 佢點會夠甄子丹打呀...

今晚打邊爐

係咪幾豐富呢, 湯底係sukiyaki汁, 有好多唔同種類既丸+肥牛+唐萵+豆腐+芋絲+巨型蚌(仲長過我隻手板)+枝竹, 仲有刺身食下唔好咁悶, 再加上芝麻醬, 呵呵~~~~ 正~~~~ 最緊要係.... 所有野都係俾我自己一個人享用~~~~~~ 本來諗住今晚是但食啲野跟住做功課, 但係天氣實在太凍, 要食啲暖笠笠嘅野先得. 可惜我只係食得大約四分一都唔知有冇..... 都好嘅, 食少啲冇咁肥

2009年, 有好多心願想達成, 係要努力既一年!! 

不過做人又唔好咁貪心, 邊有可能一次過可以做得哂所有野, 暫時定左兩個先, 要係呢幾個月內做得到!

加油加油!!!