七月壽星女澳門之旅四

食完下午茶, 就繼續巡視我地嘅業務

第三站 - 新葡京
上次黎澳門時已經去過, 今次個場少啲人, 我地仲睇左場由金髮好身材美女表演嘅跳舞騷, 企係隔離個啲男士, 望住啲金髮美女望到眼都唔識眨



第四站 - 永利
本來係我嘅"賣飛佛", 不過已被威尼斯人取代~ 其實永利嘅位置係好啲, 夜晚食完宵夜, 可以行番酒店, 威尼斯人就一定要搭的士, 而且都幾遠下



影下條澳氹大橋先~ 幾靚~



走個時咁啱有show睇啦~ 正~













第五站 - 星際, 講真...真係冇咩特別, 上次都黎過, 行左個圈就走lu~



最後一站 - MGM
好新, 環境都幾好, 不過真係好遠囉!!!!!!!!!!!!!!!!! 唔好以為佢係永利後面就好近, 行左好耐先行到去架!!!!!!!!!!!!!!!!!!!! 唔知係咪因為呢個原因, 入面都唔係好多人





時間唔早, 要拿拿林出番手信街買下野食

買完之後, 見到我好愛嘅明記牛什有開檔呀~~~~~~~~~





一人一串牛肚~~~~ 好入味~~~~ 好味道~~~~~~~~



唔夠時間正正經經咁食夜晚個餐啦, 所以走入義順老鋪食個包就算, 得我地一枱客, 好彩仲有包, 唔係就要過埋新鋪食

兩個傻仔合照



叫左辣魚包同豬扒包, 豬扒包普通啦, 辣魚包好味, 而且係香港食唔到



食完兩個包, 都係決定再買多幾串明記上船食, 要左牛肚, 魚蛋同魷魚! 飽死左~ 不過真係好好味~~



澳門一日之旅, 大成功!