Mami 心裏面一直盤算..... 希治鍾唔鍾意返學呢 ?究竟希治會唔會喊? 希治會唔會打其他同學仔呢? he he 是否我太緊張呢 .....今曰呢Ｄ問題都會有答案 !!!
今曰係希治第一天返學. 佢今曰5:30 就起身所以 Daddy Mami 都冇覺好訓.起身後希治一直玩到7:00 到, Auntie 就煮早餐比希治食. 之後又要媽咪陪玩同睇電視, 最後到差唔多9:15 就換好校服, 仲扭哂計要出街唔肯再留係屋企. Mami 見希治開始唔耐煩就早Ｄ出門先到學校附近行下等希治適應一下學校附近環境.
Auntie 同希治換校服
換好哂衫,開始唔耐煩要去街街
Mami 帶希治行去搭巴士返學,Daddy 就係學校附近join 我地一齊入學校. 一路上希治都好開心, 同平日去街街一樣,唔同既只係著左校服 , 希治一直好留心咁觀察周圍既環境.
往巴士站途中
巴士上
學校附近既商場
校門前
學校老師安排d N1小朋友仔集中係會客室,然後就做左個 briefing, 講下呢三日既流程,跟住就去換鞋上堂喇.
首先小朋友先去做勞作有晝晝,貼貼紙做皇冠等等...當其他同學專心做勞作時希治就坐唔定去搵其他玩具玩, 之後仲同同學仔爭玩具.
之後老師就講故事,Ｄ同學仔又可以坐定定聽老師講故事, 咁希治呢....唉! 當然又係坐唔定跑左去玩老師身後面間屋仔既窗, 又開又關,又開又關.....
之後係茶點時間, 當然希治又發難詐唔肯坐定定食茶點 ( 其實希治開始眼訓越來越冇耐性...),跟住就去玩彩虹傘, 希治就好開心大叫大笑 ( 我發覺希治十分活躍,玩既時侯完全冇問題, 但係一要守規矩,坐定定既時間就C得)
最後再做一陣大肌肉活動就洗手換鞋放學喇.
總結今曰希治既表現.....差
希望之後會好 D, 唔好發脾氣,爭玩具,要守規矩 !
P6180084.JPG
P6180064.JPG
P6180059.JPG
