《宮心計》同《富貴門》

講返BBB兩套新劇   就咁睇我會鍾意《富貴門》多囉
skim兩集   我覺得劉兆銘好正   我鍾意睇一套戲   有各種唔同年紀輩份演員鋪排
我鍾意睇   種家長痛惜子女   又不齒佢行為conflict
原來呂良偉真係保養得好好   佢真人年紀老過我阿爸   但劇集角色設定竟然係4X歲
又原來三嫂戚美珍把聲好好聽   雖然好中性   但又好厚實
我唔鍾意薛家燕做呢個角色   雖然我唔多鍾意汪阿姐   但我會寧願汪阿姐做呢個角色
頭二集點解有時戚美珍叫薛家燕媽咪   有時又叫奶奶   好唔連戲好怪
而袁靚靚又真係師奶味好重   點睇都唔似做緊人個女……

題外話
(我記得大概三四年前   我同阿媽講過   話我叫唔到我第時老公阿媽做媽咪囉   我一定會叫佢老爺奶奶
我好強碩硬感覺係   老公阿爸阿媽   真係唔係我阿爸阿媽囉   我嗌唔出口呀
但我會驚佢其他新抱   係我妯娌 (我對呢中國親屬稱謂都有認識o架) 會叫佢做阿爸阿媽   咁我就好難唔跟住咁叫喇)


至於《宮心計》   其實我唔係咁鍾意睇一”扎”女人戲
再加上我好驚懶好人角色   我會想打個角色多過”鄧”佢可憐
仲有個換緊牙小童星   會唔會太唔可愛?
我覺得田蕊妮其實演技真係好好   記得佢之前拍套《疑情別戀》   袁靚靚真係給比下去
   爭漏   其實我覺得釋演穆宗李宥李天翔 (郭太皇太后個仔) 談唔上靚仔   但都幾特別   不過唔紅   好慘