有心人

呢幾排天氣反常,一時冷一時熱,加上我身體疲累,一向身體唔好既我最終都病倒了,

人地病我又病都病得衰過人,人地感冒就流下鼻水0甘,我就會頭暈作嘔,一頭暈就咩都

做唔到,更唔洗止意返到工,所以我呢幾日都無返工,今日打返去公司叫我交醫生証明比

佢喎,死啦唔系我唔想睇醫生,系我唔知去邊到睇,又唔識講,點搞呀

好在之前我好有緣0甘系公園到識到一個由國內來定居既呀e,佢好有心,之前仲打比我

問候我最近點,于是我就打比佢,本想只系問下佢邊到有私家醫生睇,點知佢話來搵我同

我去睇,但系佢又未去過我到,好啦,不如我去搵佢咪仲快,約左佢系聖家堂前邊等,見到

佢就問我系咪好辛苦,我就話只系有d暈0甘啦,跟住我地就去左醫院睇急趁,呢到d醫院

都系同港澳一樣等餐死先到你睇,好啦等到我睇啦,點知個醫生又唔系好識英文,好在個

呀e都講得兩句西語但系有d佢都唔明個醫生講咩,最後都系西語英語同手語搭夠,我仲

連字典機都出埋先睇得成醫生,點知醫生話我成日頭痛,叫我去照x光喎,好啦,去到x光室

前又系等等等,等左唔知幾耐先到我咋,之後又要等片出,又要去返去搵個醫生比佢睇張

片,最後成3點先睇完,難為個呀e 陪我系到等左成日,睇完醫生個呀e 仲走去買d排骨煮

野比我食tim真系好感動呀,之前都知佢個人好,點知佢好人到0甘,佢仲叫我請多幾日假,

系佢到住幾日等佢可以照顧我,我當然系拒絕左啦,因為唔想阻住佢而且我聽日點都要

返工,因為幾日都無返再唔返就唔系幾好,食完野同佢傾左陣計,佢又洗d士多啤利我食

又叫我食多d,但其實我都好飽囉.到左5點幾,我話都系返屋企囉,我話因為怕天黑返去唔

系0甘好(其實系籍口,因為佢呢幾日系到搵緊新工我費事阻住佢啦,而且我真系想返去

訓返一教)

想當初如果我唔系0個日0個個時間去左個公園,我就唔會遇見佢,遇唔到佢我今日真系

唔知點算,呢d咪就系叫緣份囉

而且媽咪話我今年出路遇貴人喎,唔知個貴人系咪佢呢