5餅2餃

話說每日朝早，我都會係小巴站對面買鍋貼(即大型煎餃)，

以前通常都會買十蚊有４隻咁食，然後加埋咖啡一罐，１７個大洋搞掂曬。

但係開始發覺咁會好鬼肥，於是就開始變返做買５蚊兩隻，

實行一個５蚊大餅搞掂一朝所需(當然咖啡另計)。

之不過．．．唔知幾時開始，

有個新做o既姐姐成日特登比多一隻比我，

仲要同我講：「靚仔，送多隻比你！」

無事獻殷勤．．．真係好鬼恐怖，

不過衰得過我敵唔過人類ｏ既本性：貪婪。

所以我照單全收。

但係呢．．．千祈唔好暗戀我．．．

基本上１５～３０歲左右呢個區域我都ｏｋ．．．

但係ｏｖｅｒ左就唔該ｂｙｅｂｙｅ啦～哈～