懶人一号的確名不虛傳, 面對即將來臨嘅重大挑戰佢依然可以處之泰然, 嘿嘿嘿。
最近懶人一号由於工作越嚟越忙 (佢話), 結果個人越嚟越少旭, 磅數雖然冇變, 但係個人就越望越肥, 而且個人成日好攰, 唔係做野做到攰, 係太少旭個種攰喎, 我諗大家應該明我講乜個呵~~
終於, 係今日晚上懶人一号頂唔順, 佢放棄食晚飯嘅時間, 一個人練習 yoga, 當然佢練習嘅 sequence 係最喜愛嘅 Ashtanga Primary Series 啦。
出咗一身汗, 由呢度抽, 個度痛到叫做完成成個 series (當然有好多個動作仲未做到或做得好), 成個人舒服晒。
懶人一号估唔到咁耐有練習仲可以做到咁多野出嚟, 佢好開心。 總括嚟講, 佢除咗柔軟度差啲, 平衡力弱啲, 肌肉力量渣啲之外, 都冇乜大問題, 所以佢腳震震之餘仲可以嚟寫 blog
大家不如估吓懶人一号仲會唔會繼續練習啦~~
合源 2009-12-31 12:07