中歐7國辛苦遊之德國~行程篇 (day 4~7)

今次咁急去歐洲旅行, 其實都係為左呢個"德國啤酒節"Oktoberfest, 因為係慕尼黑的啤酒節（又稱「十月節」，Oktoberfest）每年九月末到十月初在德國的慕尼黑舉行，持續兩周，是慕尼黑一年中最盛大的活動。2002年大約有六百萬人參加了啤酒節，許多其他城市也仿效慕尼黑舉辦「十月節」。

Day4

今日去到Fussen, 一心係呢度係想感受下德國啤酒節既氣氛, 德國啤酒節"Oktoberfest, 個感覺就好似過年行花市咁, 超熱鬧, 而且佢地個個既衣著都好特別, 德國妹已經好靚女, 再加上呢D性感裝束, 真係"流晒鼻血"~

我地都專登選擇Munich做慶祝"基地", 因為聽講呢度係最多人聚首既"開心地", 未見過世面既我當然要試下啦.~

再加上其中個團友推介, 呢D場面, 可能一生人只能見一次, 所以我都會盡量享受呢個人人歡樂既節日, 但可惜有些美中不足, 當日我地分開2team人玩, 打算到晚上就相約一齊去食豬手餐, 但可惜其中一隊改時間行程, 搞到大家遲到加上"好難做", 結果有人因為咁而"自廢武功", 以"罷食"去陪罪, 唉, 都難為左其他人呢~

其實依家香港好多地方都有搞"啤酒節", 好可能將來會好似"萬聖節"咁大事慶祝架~

其實我都拍左好多短片, 會好快放上blog.