加料飯

在這個豬流感肆虐的期間，除了保持身體健康之外，更要保持清潔及衛生，更加要保持開朗的心境，所以‧‧‧

如果是二傻blog的長期blog友就應該知道二傻之前有畫開「夢夢故事」，話說其中一篇「夢夢故事之加料」是二傻get錯意思、會錯意，近日跟某某吹開水，大家的無聊對話笑到大家死，忍不住都想公開其中一些

話說二傻想請某某吃「拳頭飯」

然後某某說：「我唔要食拳頭飯，我要食加o左料o個d！」

二傻繼續話：「我前幾日買o左隻新的『柔順劑』，味道好似唔錯的，要唔要試下？」

某某詫異的說：「『柔順劑』！？都好喎！反正都未試過，咁幾時啫？」

(呢個時候二傻先發現原來所指的「加料」是滴露，而不是柔順劑，但都繼續接話)

二傻又說：「你鍾意幾時來試咪幾時囉！！最好等我洗衫時先」

某某接著說：「其實加左柔順劑，食o左個人係咪會順d o架？咁你幾時洗衫啫？」

二傻再說：「會呀會呀‧‧‧我飲完個人真係會溫柔婉順好多o架，仲柔情似水！！！就快洗衫，儲多幾件先」

某某笑哈哈的說：「hahahah，我掙d頂唔順喇！你係咪漏左『至奇』兩個字未打啊？」

二傻都笑騎騎的說：「哈哈~搞到你咁辛苦真係唔好意思，我今次冇漏打『至奇』2個字的，乜你唔覺得我『溫柔婉順』同『柔情似水』o架咩？！其實我由細飲到大的先得咁溫，所以成日發溫囉」

某某繼續說：「真係有d辛苦架！咁你想聽真話定假話先？一場朋友，都係講真o既俾你聽，我唔覺喎！原來你已經由細飲到大，如果冇飲咁咪仲‧‧‧」

二傻當然不甘示弱的說：「冇人叫你夾硬笑o架喎！你可以沈住道氣留返聽日先笑o架嘛！哈哈~咁係因為你睇得唔夠真，你睇真d就會發現我柔過柔順劑，我自己都笑死o左啦！！其實我飲唔飲都咁柔o架！不過飲o左如虎添翼」

某某仍笑說：「咩叫頂唔順先？就係頂唔順先會沈唔到度氣丫嘛！嘩‧‧‧你又黎！你係咪想我做香港開埠以o黎第1 個上網笑死o既人啊？飲o左真係會溫柔d？咁你飲開邊隻牌子？介紹下好喎」

二傻回應說：「就係知你頂唔住先叫你沈住道氣囉！睇下你沈唔沈得住嘛！好衰o架！！你笑人o既！！！咁人o地講事實咋嘛~你咁都可以笑死o既，人家又有咩辦法喎！耶(←呢句簡直係柔到爆)[你唔好死住,你仲差我唔知幾多千萬o架~~]冇問題,朋友o黎嘛！有好o野實介紹你的，我咪用開有bb logo o個隻『金紡』柔順劑囉！你得閒試下啦~又香又柔o架！！！」

某某又說：「有得笑就梗係笑左先，仲沈乜鬼啫，同埋真係頂唔順丫嘛！你係咪飲大左柔順濟啊？！你柔既程度越來越堅喎！我真係頂唔順喇！我笑到停唔到喇！耶‧‧‧咦‧‧‧我都係喎，但點解我冇你『耶』得咁柔o既？唔通我果隻係假o既？」

二傻笑著說：「我冇飲大到喎！！我每日一瓶蓋咋嘛！我照足佢份量加入飯度食o架喎！冇奶油o架！！你都認同我夠晒柔呢？？哈哈，乜你今日都飲o左啦？記得每日一瓶蓋~身心都健康~耶!!原來大家係『同好』，我諗你那支唔係假的，但可能男同女飲o左有唔同功效o掛？我其實覺得你o個聲『耶』都幾有潛質，只要練習多d唔成問題的！！」

某某繼續說：「哦‧‧‧原來要日日飲一瓶蓋！唔怪得我『耶』得冇你咁柔啦~可能我兩三日先飲一次，唔夠料啊！可能男仔飲既份量要加倍，仲要多d練習先至得啊！等我再練習下先！耶~~」

二傻又笑說：「咁你學到o野啦？想好似我咁溫柔婉順就記得每日一瓶蓋啦！！仲有，定期見到新o野就試下，可能會變種‧‧‧唔係，係變得體貼又香甜耶~咁我真係唔知，好似我d咁溫柔o既女仔又點會知道男仔要咩份量喎！哎唷，你練習時最好曬曬太陽先，咁吸收下d陽光先會有料到！！」

某某說：「耶‧‧‧我都係覺得男士man d好d，同埋我已經好體貼又香甜啦！(我自己覺得)喂‧‧‧好喇喎！仲加埋哎唷添，你係咪想我早d去啊？吓‧‧‧乜唔係沖完涼先飲柔順濟再過水跟住先曬太陽既咩？唔怪得我冇效啦！耶‧‧‧好衰架你(我有冇進步啊？)」

二傻笑爆說：「咁你仲『耶』乜鬼，又話要man d，仲『耶耶』聲，哈哈！！！乜原來你好體貼同香甜o架？點解我唔覺o既？哈哈‧‧‧你會唔會係錯覺？噫~~~人o地講o野不嬲都係咁溫柔同嗲聲嗲氣o架啦！我點會想你早d去喎！我唔去之前你都咪洗旨意去唷！又係你話feel唔到我有幾溫柔，我咪俾你feel下囉~咁你felt到了沒有?唔怪得，記得直接曬下就得，因為你身體已經好多水份，所以唔駛再過水又剩咁麻煩o架啦！你依家識用啦？但你既然想man，就唔駛照足o架啦！你真係進步神速，你呢句『好衰架你』，我心服口服！！」

某某說：「耶‧‧‧你又笑人！咁學多想野都冇壞啫，最多我努力d練習，練到可以收放自如，應該man時則man，應該耶時則耶啦！起碼有錯覺都好過乜都冇啦！hahaha乜你不嬲都係咁o架咩？！點解我之前收唔到o既？唔通我條天線壞鬼左？不過溫柔同嗲聲嗲氣係兩樣野黎架喎！嗲聲嗲氣我就feel到喇，至於溫唔溫就唔知喇！頭先天氣幾好丫，仲出太陽，我都曬o左陣，果然你有d效，o岩o岩耶都耶得順暢左」

二傻說：「如果你可以練到o個種境界，我諗你是『神級』了，我都要努力學man d先得！但係錯覺唔係真o架喎！你用咩天線的？唔緊要啦，收唔到真係唔緊要o架！我明o架！你唔想收我o個台，真係唔緊要的，你有咩唔順心真係要講呀！我最鍾意安慰人o架啦！(夠唔夠溫先？！)！係呢~我都話得o架啦！你以後記得遵照我o既方法去做啦！！真係袋o左錢入你袋,唔駛多謝我o架，請我食飯啦！」

其實對話未就此中斷，不過給大家看住這麼多先，若不是大家投訴我blog太多字就慘了。這樣某某就被二傻「同化」成為「溫柔婉順」的人，而且更青出於藍，如果大家看完這些無對話，我絕對有理由相信閣下極有潛質成為「傻人」同「溫柔婉順」的人。麻煩大家看完就算，不要猜想究竟某某是誰，以上對話純粹是太無聊罷了，間中二傻就會跟blog友越吹越大、越吹越遠，真是少d氣都笑死