又食又拎

禽晚同AT小姐, 佢老細, 杰仔,
兼兩個香港過黎既朋友;
三個年代次既我地, 滾滾浩蕩到Damansara Jaya附近既 XXX Village打邊爐,
話是話, 天時冬, 打邊爐至正!

今次間舖係T小姐介紹去既; 所以d食物都唔會差得去邊!
間舖環境有d似我地到過既Klang海鮮餐館, 不過就細d...
入口旁有個細水池, 俾d細路撈魚玩樂.


間舖既招牌: 藥材雞湯做底, 夠香夠入味!
我地就點左個RM179配套,
有蟹, 一隻白鯧魚, 一盤蝦, 生蠔, 啦啦,
一盤類似鮑魚既物體, 兼其他(三人份) 配料.
d海鮮都好新鮮，ｄ蝦數量多, 又生猛! 放入湯時仲曉響度跳!


間舖仲有個特色, 響旁邊花園有個小小動物園.
有千年(自己老作) 老龜, 美國版既哥斯拉 - 綠鬣蜥,

躺著訓覺既蝙蝠, (點解唔係吊著?)
好cute既果子狸, 蛇啊, 雀啊.鴶啊等.

呢d動物應該唔會淪落成為野味卦....

食完之後, A小姐就提議去飲野,
竟然問我呢個無乜去浦既有乜好去向,
真係考起我啦!
唔通要帶香港朋友到＂史蒂芬角落＂話者ＢＲＪ茶檔咩?
我地ｄ老野，浦都係浦呢ｄ　Ｍａｍａｋ茶檔*　咋！
結果經過與Ｔ小姐商議，
我地就到宜家諾既"Ｔｈｅ - 街道" 消磨時間．

吹水既吹水，試相機既就試相機，
大約到一點幾，我地就散水啦！

今次又有得食, 又有得拎! 


多謝A小姐先!

p/s: 好明顯我今次只負責食, 所以冇帶相機...
想睇照片就到呢度：Angie姐

*Mamak（嘛乜）茶檔 :
響大馬算係普扁既茶檔，價錢大眾化，
多由孟加拉或印度籍人仕經營．