搬屋?!

星期二晚媽媽同我講"波板糖我地搬新屋啦, 聽日同你去睇新屋好唔好?" 咩叫"搬屋"呀, 食唔食得架? 骨骨o黎架

等左一日, 終於出發啦, 未去參觀新屋之前, 媽媽話做左"波公公"之後, 好耐未見過d朋友仔啦, 所以先去左petmax搵朋友仔玩下先!! 好耐冇出過街啦, 好緊張呀! 天氣涼涼地, 出去平台玩下先!

玩夠啦! 我地就出發去新屋! 吓... 仲咩唔係搭車o既, 咁咪好排行!

喂! 行左15分鐘! 好攰呀, 到未呀! 咩肥都減晒啦!

終於到左屋苑入口. 唔係卦, 仲有條斜路... 頂硬上啦!!  行到索晒氣, 到啦, 邊間先係呀! 快d開門啦, 好攰同好心急呀! 

咦! 又話新屋, 我張床係邊呀? 個電視機呢? 雪櫃呢? 仲有我d玩具係邊呀?

依個就係個廳!

依度係媽媽爸爸間房... 嘻! 遲d我又痴埋o黎訓先!

依間係雜物房, 我d野食就係放係依度架啦! 到時我自己會去拎, 唔駛你地操勞啦!

依個洗手間唔錯, 可以浸番個溫泉浴, "冬冬""dollar"一齊浸呀! 好舒服架!!

依個好明顯係廚房啦, 諗起都想食...

介紹完啦, 到我開餐先, 新地方真係好味d架喎! 遲d請你地o黎坐下, 玩下同食下啦!!

嘻嘻! 行左咁耐, 返到屋企舒服晒, 等我都諗下搬d咩去新屋先!!