我老豆先係老豆！！

陳振聰話：
「愛上一個大23歲0既人唔係罪，我唔覺得年紀係相愛0既界限！」

我同意呢個講法
所以我好愛大我23歲0既爸爸！

我老豆小學都唔知畢業未
佢唔講粗口好似唔識講野咁
累到我呢個電台記者講0野會漏口
食煙食到對面馬路都聞到陣臭味
又會賭馬打麻雀賭到唔記得約左我食飯
╰︹╯

不過
即使是0係掛八號風球惡劣天氣的日子
我老豆都會兩度送我阿媽入院
緊張地迎接我0既來臨
而唔會因而天氣唔好而唔理我
更加唔會為左取悅另一個人
而安排我0係某日出世

即使我地屋企環境唔富有
老豆都會安排一家大細一齊去旅行
唔會好似有d禽獸咁
包左架私人飛機
成家人去北海道玩
唯獨佢自己一個
因為另一個女人就死而唔去

我細佬細個時的確係麻煩d
又成日喊到嘈生晒
但最多只係掟佢去俾其他人湊
而唔會話將佢過繼俾第二個

我老豆的確唔係一個最完美的老豆
但佢在我心目中
點睇都係一個我引以為傲的老豆

雖然
莫講話係1000億
就算只係1000萬
我呢一世人都未必有機會接觸到

但天文數字0既錢
係咪值得令親手破壞自己0既家庭
犧牲太太、仔女0既幸福、尊嚴？

老實講
我並唔同情佢老婆
但我真係唔知
佢0既子女
日後可以點抬起頭做人

我老豆叫CHUEN
人地老豆又係叫CHUEN
但我覺得我老豆先係老豆
人地老豆
根本係人渣

 

你大我23歲，但年齡唔係相愛0既界限
所以．．．．．．我愛你！！！！
＞３＜啜～～～～～卜

 

佢發現我食完野，未抺咀，哇哈哈哈！！

 

* * * * * * * * * * * * * * * * * * * * * * * * * * * * * * * * * * * * * * * * *

 

陳振聰:年齡不是愛情界限 (2009年6月30日 1800cast 新城電台)

lead:

聲稱持有已故華懋集團主席龔如心06年遺囑的商人陳振聰, 完成五日作供, 他說, 自己不是「好叻」, 相信龔如心將整副身家給予他, 唯一原因是龔如心「真係好愛佢」, 他亦表示, 愛上一個年紀較他大23歲的人不是罪.

cart:

陳振聰最後一日到法院作供, 佢在庭上繼續多次強調, 他同龔如心係互相深愛對方.

陳振聰話, 為左取悅龔如心, 佢刻意安排自己個女, 在龔如心生日當日, 即係9月29日出世, 佢話, 龔如心當時有少少開心, 但仍然想可以親自為陳振聰生仔.

但代表華懋慈善基金一方的律師駱應淦就質疑, 佢為左取悅龔如心, 連自己太太的分勉日期都利用埋. 陳振聰就話佢冇同人合作, 只係同太太講, 佢鍾意呢一日, 太太唯有無奈答應.

駱應淦又指, 陳振聰想將自己個仔過繼俾龔如心, 但遭對方拒絕, 陳振聰話係, 因為龔如心係想幫佢生仔, 而唔係想過繼一個.

陳振聰又話, 龔如心98年將招牌孖辮剪左之後, 將其中一條送左俾佢, 作為兩人的定情信物.

不過, 駱應淦就質疑, 陳振聰保留兩人對話的錄音帶同錄影帶, 係為左將來用黎勒索龔如心, 陳振聰就變得有d激動, 話駱應淦嚴重冤枉佢, 又話若果真係要勒索, 可以用其他帶, 可能更更更...之後佢停左一陣, 強調總之冇可能, 指責駱應淦指龔如心當自己係玩偶, 係冤枉佢同龔如心兩人的相處, 是最差的講法, 侮辱左龔如心.

駱應淦又話, 龔如心的年紀足以做陳振聰的媽媽, 陳振聰就話, 愛上一個大23歲的人唔係罪, 佢唔覺得年紀是相愛的界限.

他強調, 自己一次都冇問過龔如心攞錢, 每次都係龔如心主動俾佢. 龔如心要俾晒d財產佢, 亦都唔係出於佢的意向, 佢亦因而覺得好麻煩, 因為兩人的秘密關係會因而曝光.

佢話, 知道太太會因為咁而好痛苦, 所以在龔如心死後, 佢轍轉翻側左幾日, 之後決定要俾太太知, 老闆俾左副身家佢, 佢形容太太當時好不俏咁, 只係睇左份文件一眼, 哼左一聲就走左.

至於點解龔如心要咁做, 陳振聰就話, 佢唔係好叻, 但覺得自己係龔如心最愛的人, 對於亦叫佢做老公, 因此向法官表示, 相信唯一原因是龔如心真係好愛佢, 所以先將成副身家俾晒佢.