網誌分類：生活小插曲 |
圖片
網誌日期：2009-12-25 23:42
笑料第一則:
今朝去咗大埔海濵公園行，沿住步行徑一直行，佢地行較前，我同honey最後....
其間媽咪(Oscar婆婆)同我地講話Oscar見到呢塊樹葉話係蝴蝶，當時我地第一個反應係"吓??!!" 乜野似蝴蝶呀???!!! 
跟住媽咪話有塊樹葉，樹葉上面有雀仔屙咗"督"屎(見圖白色夾雜黑色位置=雀屎)，
跟住我: 吓??!!!點睇到覺得係蝴蝶呀???!!! 
跟住我仲聽到Oscar話有隻眼(其實係雀屎)架!!! 蝴蝶嚟架! 
笑料第二則:
話說今晚去咗食聖誕BUFFET....
OSCAR一見到婆婆就話: 咦?? 點解D頭髮飛起晒嘅??
(當然無人回應佢啦, 但係當時我已大笑中....) 上咗車之後，
OSCAR又對住婆婆講同一番說話: 點解D頭髮飛起晒嘅??
跟住婆婆忍唔住回應: 係呀，特登去吹架，咁靚唔靚呀?
OSCAR即刻好快話: 唔靚~
婆婆話: 您唔鐘意人D頭髮曲 ? 鐘意直頭髮好似媽咪(即我)咁呀???
Oscar: D頭髮飛起晒好似天線DUP DUP B呀~ 頭上面有天線嚟架...
我地即刻笑到停唔到呀
