九記 VS 華姐

係未食過華姐前我唔敢一口咬定九記係最o岩我胃口，當我食過華姐之後就可以講一句：「我都係支持九記！」

小弟會同各版友在各方面分析一吓。

先講位置：九記係中上環..山腰位置唔識路真係好難揾；而華姐就o係正"地窿" 出口附近真係好方便

其二係同一時段o既人流： 該日是星期六 約 2:15 pm 如在九記這個時段都會排緊14~20 人o既人龍；華姐呢？除我2人外 另只有一枱3人客。

其三係食物、亦即係呢個post o既重頭戲所在； 一碗麵分三部分：a) 湯底 b)餸 c)麵

a) 湯底：九記係用牛骨做材料煲，所以飲落去係清甜(如在現場的話會不時聽到伙計叫：「一碗水。」意即係有客人叫一碗淨湯o黎飲咁解；華姐方面呢？湯係清湯，不過飲落口好鹹，而現場亦聽唔到有叫湯o既情況。至於係用咩材料煲........小弟功力有限飲唔出。

b) 餸：為公平起見兩者我都係食牛腩，以"淋" 計 兩者係平手。不過牛腩入唔入味呢除"炆"牛腩o既時間掌控外，湯底亦係好重要o既一環。

c) 麵：為公平計兩者我都係食伊麵，點解係伊？咪就係避o左d鹼水味囉！再加上伊麵可以"索"多d 湯汁令到麵o既味道增加層次。如果只係講伊麵兩間都o既貨都係外購o既，
          所以係平手。不過唔好唔記得伊麵係好"索"湯o架！

其四務服態度：呢個唔洗我解識喇。九記o既務服態度我覺得同澳洲牛奶公司差唔多，我接受到。華姐果邊就唔同囉.....個四眼叔不知招呼得幾好(可能見到我影相)，不過當佢唔知喇
                     就態而論華姐真係抛離幾遠吓。

最後總結：由於本人以食為主服務態度為次地點再次之，而九記個湯底抛離華姐好遠吓；一個湯底會影響晒成碗麵，所以我都係會支持九記。

另外在食華姐同九記(當然九記食過好多次喇)時小弟o既女友都有一齊食，佢俾我教過食麵第一樣係試湯底先。當o野食一上佢第一時間(仲快過我、因為我要影相)自己試o左啖湯，之後又餵o左我一啖。然後佢"瞪"大對眼望住我問「點呀?覺得點呀?」我試完啖湯之後就同佢講:「食完先講。」跟住佢自言自語咁講：「九記好食好多。」食完、找數，出門口我女友即刻對華姐品評一番：華姐好普通姐啫。

以下條 link 係小弟個 "天后~~華姐" post 大家不妨睇吓http://www11.discuss.com.hk/viewthread.php?tid=5544111&extra=page%3D1