今日打既歲半針

今日

鼠媽帶天天返健康院打歲半針

見完姑娘之後

就等打針

叫咗名

我地入到房就坐低

由於天天著咗一件過頭笠既長袖衫

我就問打針既姑娘

嗱起衫袖得唔得

佢叫我解咗天天膊頭既鈕

拉低嚟打

當我拉低天天件衫既時候

天天有d反抗

個姑娘同時都預備好針藥準備同天天落針

姑娘伸手埋嚟既時候

突然叫咗一聲

話我d手指甲督到佢

令佢好痛

由於我心不在佢

當刻冇聽得好清楚

我就問佢

"我呀?"

佢答我

"係呀,你d指甲督到我好痛"

咁我即刻同佢道歉

"係呀,唔好意思呀"

我個呀字都未講完

個姑娘就一手將支針"咪"落天天隻手到

冇錯

佢當時係"咪"落去架

我即刻O晒咀

之後

佢叫我去約期,拎藥就叫我走嘞

出到去

天天係前所未有咁喊得大聲

佢就算一次打三支針

都係喊幾聲就算架嘞

睇住個囝喊個一刻

我真係好嬲

我覺得

雖然

姑娘你都只係打一份工

未必會因為咩愛心而去做你而家既工作

但呢個都只不過係一個小朋友

你點解可以出得到手架呢????

禍不及妻兒

即使我真係整到你

你又有冇需要向一個十八個月既BB去報復呢?????

我真係好想問一下你

你打咗嘞

你覺得點呀???

有冇D興奮????

有冇D快感呢?????

你有冇唸過

當時個小朋友係反抗緊

如果佢突然發難

個支針落咗去D問題好大既地方

你又會安樂咩??????

人既野

做過既

自己係會受返架!!!!!

睇到呢到

我唸可能有D人會話

投訴佢啦

其實

個一刻

我都真係咁唸

但係再唸一下

口同鼻拗

當時又冇人證

如果告你唔入

我點知下一次我再返嚟你地會點呢???

會唔會打針打到支針斷咗架????

到時

我真係得不償失

我怨自己

慳個幾千蚊

要個仔去受呢D苦

自問

我唔係一個好有教養既人

學問亦都唔高

但對人既禮貌

我一句都唔會少

入去房既時候

我都仲有敲敲門講句唔該姑娘

真係督得你咁痛???????????

返到屋企

我先醒起

吓??????

我冇手指甲架WOR

呢張相係我剛剛影既,但本人在此對住燈火,老天爺發誓,呢個長度,係由上個星期尾剪咗到而家架嘞!!!!!

雖則未至於剪到貼肉

但總未至於要"報復"LOW

冇錯

人總有情緒

但係

咁樣去發洩

點樣都講唔通???

又或者

你發洩咗呢一次

下一次又點呢?????

下一次真係整到人

你個心理病仲大呀..