2009

首次祝全世界，全球華人，全國人民新年快樂。不經不覺又一年啦，真係快。對於我來講，09年既願望同08年都係一樣，希望黎緊既會考真係可以打返代表作，順利升上中六啦。借而家利物浦咁好既勢，一定掂既!!!

08年對於我來講，又可以話係最開心既一年，不過又可以話係最失望既一年。

2008年8月4日，呢一日我諗呢一世都唔會忙記。就係會考放榜果日，睇到一個自己無法接受到既分數，唉．．．果幾日係人生當中，暫時最失落既幾日。

另一個傷心就係因為即將要離開一間生活左5年既學校。坦白講，係呢間學校讀左5年，一D唔開心既事都冇發生過。雖然外面有好多人話間學校好差，係放榜後果幾日更加上埋新聞。不過係我心目中，呢一間係全港NO.1既學校。

有失落既時間，都有開心既時候。如果唔係經過呢一次既洗禮，我就唔會學到咁多野，經過呢一件事，先令我明白到有時D野盡左力已經足夠。呢個世界冇野係完美，只要做好自己既本份，盡晒所有力，已經係嬴左啦。

係新既學校，遇到新既老師，新既同學。就咁就過左一個好好好開心既半年。仲有幾個鐘頭就搭入2009年，希望係2009，能夠達成自己既目標，再一次祝大家新年快樂。