區生好勁！！！

區生最近做了一宗我自Poly Year 1認識他以來，最偉大的「大龍鳳」（除了他以前做社工積陰德以外），仲要幾十人眾志成城，所以抵佢眾望所歸嘅，就是對人稱「夫人」的區生女友BB propose啦！先在一個多月前他已經訂了租電車，然後開始開動：馬不停蹄的開會，跟著工作上遇上Solar，Solar都自動請纓來負責彈奏２首超感動的意大利情歌　，其中一首更是出自他們手筆的！跟著他公司一班同事扮成當日是上電車上拍攝節目，一隊crew雖然演技「加01」，但勝在BB太navie完全唔察覺，再者監製So Kei又攜同老婆及囡囡坐鎮，So囡囡令BB視線成功轉移，又再加上Eric不停扮區生的舊愛A小姐（又唔難令人相信嘅．．．），全個下午以攞你命偷情短訊令BB怒氣沖沖（其實Eric搶了我的神聖任務，因為他．．．太善長了！哈哈！），於是BB絲毫不發現是一場一早setup的求婚宴會!我們男女家親友早已躲於上層，區生更在露天換衫！當區生還要老點BB上電車上層為他拿粉盒及手提電話之際，Solar 2子美麗的Italianno歌聲為節目正式打響頭陣，他們現場演繹，我與徐生鼻子都為之一酸，總之就感動啦！（仲要那種山雨欲來的天氣及10度的氣溫，在電車上層，真是難以形容！）然後當場由區生接手，唱出寫來給BB的一曲，話曬區生假假地都仍然屬於Song Bmg旗下writer，寫過吓歌俾容祖兒，雖然為了阿嫂是Newzealand回流的中文白痴，於是以淺白為主，但都誠意可嘉，不過demo加咪咀，比較可怕，跪地都補番數嘅，hahahakakaka!　之後無需多講，是一輪送花及戒指，感言訪問（職業病！）及開香檳，吃snack etc..跟住Solar變了第二主角，大家輪住足佢哋影相及吹水，阿Karl當然唔放過佢哋，不停為自己與阿嫂的過年意大利之旅拿tips啦！看著他足住Julio在車頭偉論了20分鐘，還以為他們是老友呀！總之就congratulations啦！家陣佢哋已經去了Newzealand過年，見吓人又見吓羊咩，太開心啦！

上次漏咗呢張跪地求婚相，受到全球非議同指責,依家補番！

BB開心又感動，仲對住個cam話一生人最開心呢日喎！真係識Do!

兩個呆咗聽緊Julio同Dino唱歌！你睇吓，人哋自備私人結他，勁專業！

邊個咁細心，連歌詞都印埋俾在座眾嘉賓，抵讚！

對住黃啷啷射啦唔該！

理工代表合照一張，有徐監製及有理工金嗓子之稱的顏X基阿Karl! Karl哥嗰日掛住同Solar吹水冇為我哋高歌一曲他的首本名曲"Just When I Need You Most"，太過份嘞！

全體大合照一張yeah!!! (班男人其實勁驚俾女友知呢單news，當然怕俾人炸型啦！不過已經有幾個出咗事，都係不外乎俾女友話兩句姐！）