峇里我來地

峇里，一個充滿陽光與海灘的地方，同時亦都係今年年尾我同MASTER會去旅行的地方。

其實一路以來，陽光與海灘都唔係我地旅行的首選，本來上年PLAN咗今年夏天會去北海道睇花同食海鮮，但因美元弱勢引致日本YEN狂升，所以北海道之旅都要避一避遲D先去。

與此同時朋友阿珊將會於今年年尾到峇里結婚，我同MASTER就打算去觀禮順道去埋旅行。

如果阿珊的行程係無變，佢應該會係呢間咁靚o既Infinity Chapel行禮 (珊小姐原本PLAN係會係沖蠅行教堂架)。

Infinity Chapel資料:

Infinity Chapel於2006 年 10 月落成，位於Nusa Dua 區(離機場約25分鐘車程)，能容納 60位賓客， 面向海灘，外面以園林包圍，乃婚禮前後最理想的拍照地點。

教堂兩旁以流水圍繞，新人有如置身於海面上舉行婚禮。這所教堂最獨特之處是教堂頂部的設計，表達新郎給予新娘無限保護和愛意，寓意夫妻互相依靠，優美浪漫。

就係因為阿珊的呢個決定，我地今年一於去峇里玩吓HEA吓。

但我地究竟會去幾多日呢?住o既地方又會唔係D有獨立泳池的VILLA呢?定係會同觀禮的朋友住同一間酒店呢?我相信呢D都係要遲D先決定到。

雖然此行程十劃未有一撇，但都叫人無比興奮。