開學第二週

日期: 2008年9月8日

由今個星期開始, 上課時間會增加到兩小時, 家長亦唔可以陪同小朋友一起上堂. 今日由婆婆送Paco返學, 婆婆走時Paco只係掛住玩玩具, 同佢講byebye都冇反應.
當媽咪接放學時, Paco表現得好開心, 不過媽咪見到Paco對眼有少少紅, 佢似乎喊過. 馮老師話Paco發現婆婆唔見左後就開始喊, 不過只係幾分鐘. 今堂加加埋埋喊左5-10分鐘, 好多時都係見到其他小朋友喊, 佢又跟住喊.

日期: 2008年9月9日
今日媽咪送Paco返學. 今次Paco一入課室就喊, 唔俾媽咪走. 馮老師話媽咪走左之後, Paco喊左大約5分鐘, 之後間唔中見到小朋友喊, 又跟住喊, 同昨日差唔多.

日期: 2008年9月10日
今日由婆婆送返學, 未到校門已經開始喊. 今次仲抱住婆婆對腳唔俾婆婆走. 婆婆話見到都心痛. Miss Deanie 話婆婆走左後, Paco只係喊左幾分鐘, 之後完全冇喊. 上堂時都好投入, 不過Paco警戒心好強, 當其他小朋友走埋黎睇佢玩玩具, Paco已經推開人, 要人走, 驚人地搶佢既玩具玩. Miss Deanie話Paco完全唔肯同人分享.

放學後, 媽咪婆婆帶埋Paco一齊去迪士尼玩.



日期: 2008年9月11日
今日又係由婆婆送返學. 今日Paco竟然冇喊, 婆婆走時, Paco同婆婆byebye, 之後仲企徒關門添.

日期: 2008年9月12日
今日由媽咪送返學. Paco今日都係冇喊. 媽咪走時, Paco又係想關門, 不過俾Miss Deanie阻止左.