東歐後記

前後十六日, 實質係十四日。
期待已久既東歐遊, 上年已經癲緊, 一開始幾經波折, 爭d攞唔到假, 爭d又放唔到哩兩個星期, 唔到真係出晒duty都驚飛唔到~

布拉格(Prague)一直係傳聞中好靚既地方, 亦都係聽得多, 聽到勁想去, 今次去左喇, 布拉格係有好多古老遺跡, d buildings 既外牆係好有佢既特色, 條條街都有佢既"靚", 但太出名, 太多人, 每行幾步都見到有旅行團係隔離, 哩一點, 超唔鍾意.......
Karlovy vary, 又稱溫泉之都, 係今次第一日既行程, 個鎮好細, 來回1 day trip絕對足夠, 一個好平靜好relax既地方, d 歐洲特色 buildings 好易就睇到, 個公園又大好正, 仲有好多棵好大既sakura, 完全滿足晒賞櫻既慾望, 溫泉長廊又好特別, 溫泉餅又好食, 最衰係day 1行程呀, 唔可以買番黎香港, 唉~
Cesky Krumlov, 係czech去左三個town中我最鍾意既地方, 石頭路, 屋仔細細, 又有條river, 又有castle, 鍾意鍾意, 有小精品買喎(後悔無買多d), 又無咩旅行團去, 正~ 其實一日來回都可以既, 不過又無需要咁趕, 同埋, 可以係CK坐車去Austria又快好多, 路過停留囉~ 最衰個晚落大雨, 無得夜媽媽走去玩下, 影下夜晚既castle啦~
Hallstatt, 一個平靜簡單既沿lake小鎮, 有書話係童話之都, 基本上係香港有既旅遊書都無提過哩個地方, 所以我地今次去都幾changelling, 無咩資料就去, 仲要貴一貴既民宿都住喎, 一千蚊一晚既apartment~ 屋主好人咋, 不過佢都話我地唔save energy, 哈哈, 話晒唔係自己屋企, 又邊理得要save架~用左三日兩夜既時間, 係個lake度行下行, 真係好平靜好舒服, 又上唔到網呢, 真係完全融入左哩個好平靜既地方。傻下傻下呆下望住個lake都得喎。係我今次行程中最最最鍾意既地方。
Vienna, 大都市, 好大, 點到點旅遊呢真係會行餐死, 真係一個好art既地方~ 哩個地方治安好似好好, 唔可以講哩個地方好好, 但都舒舒服服。佢既文化氣息絕對值得敬仰, 同埋都好值得保護佢所有既文化遺跡。
Budapest, 去到既感覺唔係太好, 好細, 唔算多野玩, 無諗過可以玩晒佢書上面介紹既景點, 叫做去過到過既地方, 哩個地方消費低, 都好既~~

今次旅行, 比我預期中駛少左錢, 呵呵~
機票5400, 住宿1250+2000+900=4150, 交通費 1320 (唔計day passes個d), 計下計下, 同一個團差唔多, 但我玩左十六日呀~ 呵呵~ 開心死~
估唔到今次旅行, 每日都瞓到六至九個鐘~
不過十六日真係好長, 雖然應該要用盡一張機票, 但玩到去十日之後, 個人好似攰, 無論瞓幾多都好, 每日出動六個鐘都攰~ 講就咁講啫, 比我玩一個月都得呀~
逃過左swine flu既混亂期, 處身在外~