網誌分類：未分類 |
圖片
網誌日期：2008-07-05 19:38
2/7 一行4人出發去雲頂(Genting Highland) 主要目的地當然係賭場啦 其次就係感受下20度以下嘅天氣 我哋book咗ThemePark Hotel 一間4人房 不過喺房逗留唔過10個鐘(2號3點check in 3號6點幾離開雲頂) 徐咗食野嗰一陣我哋全程都係賭,賭,賭(玩big small)........當中有贏有輸 最好笑係當juli兩公婆輸緊最多錢嘅時候 無啦啦有個呀伯走埋嚟同佢哋講一大堆野 跟住教Juli 買乜買乜話如果中就請佢飲beer喎 Juli就跟呀伯買..........嘩 第一舖就贏3佰幾馬幣 第二舖再贏3佰幾 Juli都醒咗兩舊水比呀伯 跟住第三舖好多人都跟住買(included Mr Hoon) 點知就輸喇 呀伯就喺喱個時候走頭喇 計落都幫Juli 贏番4 5 佰蚊架 Juli當正個呀伯係高人 當有番啲本錢我哋就去另外一個賭場再同佢死過 嗰晚玩到4 5點 Juli 倒贏咗Rm200 我老公打個和=White do 3/7 12:00 check out 食小小野又去賭......我老公運氣唔錯最多嗰時贏RM 5佰幾(千幾蚊港紙啦) 但係好景不常 最後倒輸2佰 Juli 兩公婆仲慘.......輸番200不突止仲嘔凸500 本來諗住走架喇..... juli 話不如攞多200蚊一齊玩埋佢啦 好彩比我哋連贏幾舖 Mr Hoon回番晒本 Juli 就輸小2佰蚊 終於大家先肯落山 番到屋企rest 咗一陣我哋就去咗食好出名嘅黃亞華燒雞翼........
雲頂超級難食嘅海南雞飯........連Juli 都話Very Very難食可以想像得到有幾唔好食啦
雲頂First World Hotel Lobby 
喺 ThemePark indoor都好大霧, Juli 學馬拉人包頭........
超超超好食嘅燒雞翼 呀蘇(蘇絲黃) 都介紹過喱度架........
Juli 話皮脆肉嫩又多汁嘅燒魔鬼魚
仲有ok 好食嘅上湯薑泥蒸哪啦(蜆) 同野味勁辣馬拉盞炒通菜
飯後喺阿羅街順便買手信
最後Juli 做埋腳低按摩, 文生就試"魚仔食死皮" 文生話啲魚咁食法 食3日3夜都食唔晒佢啲腳皮喎.......不過玩下無防啦
Mimi吉 2008-08-24 16:22
之前個login無端端壞左，問過Yahoo help desk, 無人幫到我, 佢淨係話security reason唔reactive番個password比我，咁唯有搬啦! 麻煩各位稍移玉步add 番我呢個新Blog, 唔該唒!
http://hk.myblog.yahoo.com/kenniswsc@ymail.com
So So 2008-07-18 01:46
siugun 2008-07-08 14:26
哈哈， 條阿伯真係似係高人， ｓｕｄｄｅｎｌｙ出現， ｓｕｄｄｅｎｌｙ 消失， 不過都幾驚
So So 2008-07-07 21:33
Pam2008-07-08 00:33
MiMi吉 2008-07-06 17:45
nana 2008-07-06 03:14
Julikeung 2008-07-06 02:18