金馬倫2日1夜之旅

啱啱嗰個sat & sun我哋兩公婆去咗金馬倫玩 嗰度最出名係: 士多啤梨,茶葉&清涼嘅天氣 同行仲有老公啲同事total 10個人 我哋係自己楂車去嘅 sat大約3點出發要成8點半先到達渡假屋 因為嗰日一直落大雨上山啲路又9曲13彎所以唔可以開得快 真係坐到腰骨都直埋 好彩1去到渡假屋就有dinner食(打邊爐) 因為有一個同事(+3個屋企人)一早去到買埋餸整好晒 嘩....啲菜好新鮮呀 啲粟米好大粒呀 啲菇菇好好味呀 喱啲全部都係喺嗰度街市買嘅 食完野急不及待去行夜市 唔係好多野睇 可能係落雨加上成11點幾啦 不過我都發揮我嘅shopping本能 買咗: 20幾枝玫瑰花(rm5) 3盒士多啤梨(rm10) 3盒用糖醃過嘅士多啤梨乾(rm10) 跟住就返渡假屋喇 佢啲同事教我玩NAMI 好得意吓囉........

我哋住嘅渡假屋就係喱度啦 係唔係好有歐美feel 呢?                                         

啲相係sunday am 冇落雨嘅時候影嘅 嗰時都有20幾度 前晚落住雨真係好凍吓 我諗得18/19度

呢啲麻雀+啤牌就係NAMI喇 係咪幾趣怪呢 我已經學識咗喇

到咗星期日終於冇再落雨 我哋食過早餐就真正開始觀光喇 第一站去咗街市 我嘅戰利品有: 兩大盒新鮮士多啤梨(rm10) 比之前買嗰3盒大好多又甜好多 9包菜(rm10)當中有蕃茄 薯仔 甜豆 小棠菜... 總之一大袋 4包菇菇(rm10) 3pack花(rm10)

士多啤梨園

好香好香嘅士多啤梨阿

個個買到1袋2袋之後我哋就去第2站: 茶園(BOH TEA CENTRE) 之前睇過蔡瀾介紹喱度原來真係幾個山都係種滿晒茶樹

我哋食下午茶嘅地方

後面全部都種滿茶樹

參觀完茶園之後就離開金馬倫喇 不過我哋唔係就咁返KL喎 我哋去咗怡保食好出名嘅芽菜雞 原來芽菜同雞係分開食嘅 啲芽菜好肥嘅 雖然只係灼一灼 不過加上嗰啲汁真係超好食呀 大家食飽飽之後就真係要踏上回家之路喇 返到屋企差唔多9點 真係超疲累呀 總結嚟講今次嘅旅程都玩得好開心又買咗好多野食 希望好快又可以去其他地方玩啦

真係好好味嘅芽菜.....旁邊有雞同豬肉丸