milk milk一路好走 ~ 彩虹橋再相見

13/9一早起身寫blog, 之後幫milk milk搵靚仔相, 執齊哂嘢, 沖埋涼就出門口, 因為我想幫milk milk做手,腳印, 所以去咗買紙Lim土, 再去超市買milk milk最鍾意食嘅嘢, 我買咗雞肶, 叉燒, 牛奶, 朱古力, 另外帶咗山楂餅, 雞條小食, 牛奶餅, 返到媽咪屋企附近嘅商場哂咗五張milk milk嘅相攞返屋企比媽咪"簡", 之後再去買花, 可能晏咗嘅關係, 我要搵嘅太陽花, 顏色選擇唔多, 所以我去咗四道地方搵, 最後都搵到四種顏色共十支, 再加六支白玫瑰, 返到媽咪屋企執好哂要帶去嘅物品, 準備出去, 出門口前, 我媽咪仲未換衫, 我咪問媽咪點解唔換衫, 佢話唔想去, 我都估唔到佢會唔去, 不過最後我都冇迫佢, 可能佢真係唔想, 之後我同男友帶埋菇時一齊去睇milk milk

本來善終公司叫我地早半個鐘到就可以, 不過我地又要幫milk milk整手,腳印, 又想見milk milk耐d, 所以同善終公司講會早一個鐘會到, 佢地都話冇問題, 我地大約五點十分上到去, 一出電梯門就見到pat同bun嚟咗, 佢地真係有心咁早嚟到, 之後同公司職員辦好手續, 佢地話可以帶milk milk出嚟比我地見, 我地入咗一間類似休息室嘅地方, 不過係全落地玻璃, 當職員帶milk milk過到嚟, 掀起毛巾, 傷心嘅我摸住milk milk不停流淚, 心裡只想點解一個咁乖嘅小朋友要咁早離開我!! 過咗一陣, ted媽同飛媽都嚟到, 咁多位朋友包括男友一齊幫milk milk做手,腳印, 我真係好感激大家, 之後職員入嚟話火化時間差唔多, 我要求職員比我抱milk milk過去, 去到工場, 將milk milk抱到一個鐵盆上, 放好鮮花同食物作最後道別, 當職員推住milk milk進入火爐, 千萬個唔捨得嘅我, 狂哭大叫milk milk, 當時我真係好想拉返milk milk出嚟, 帶佢返屋企, 之後我同男友一齊為milk milk做進行火化儀式, 三十秒後開始火化, 職員開火爐一道小門比我地睇火化進行緊, 當火化進行緊嘅時候, 我地去返寫字樓等, 而有心嘅朋友亦逐一離開, 大約三十分鐘左右, 職員話火化已經完成, 叫我地可以去睇下"富"骨, 我見到嘅時候, 我個腦係空白架, 連眼淚都唔識流, 只有個心係到痛到不得了, 因為我唔相信...... 最後我地再等多二十分鐘到, 就將milk milk嘅骨灰帶返屋企, 當時係晚上七點十分

我係到真係要好多謝咁有心嘅朋友嚟到送milk milk最後一程, 而嚟唔到嘅朋友亦都有打過電話同發過短訊比我, 真係好多謝你地咁有心... 另外更加要多謝ted媽,貓媽,飛媽為我個乖仔做食物, 我記得有月餅, 蛋糕, 另一樣我估係紅蘿蔔波波...多謝你地

Susan: 不要太傷心, milk會記得主人給他的歡樂, 而你同樣會將他給你的銘記於心 

Pat: 你唔好唔開心啦, 我會支持你架!

Joe: take care~

Queenie: Fan take care

Wan仔: 芬芬, 請勇敢面對, 一切都會好起來, 支持您

敏華: 我唔知可以講咩嚟安慰你, 總之盡量看開d, 做人都有盡頭時

ted媽, 貓媽我有聽你地話架, 今日我一路都冇喊, 但係一見到我嘅乖仔係我面前, 傷心, 心痛, 唔捨得...我真係控制唔到自己

親愛的主人，我配受你的愛護，因我愛戀你的心，論此世間，可說無可比擬。你給我說的話，美如世上最甜蜜的樂章，你歸家的腳步聲，最能滿足我等候的心。我一生最大的光榮，莫過於蹲在你的身旁，坐在你的腳前，永遠忠心跟隨。

親愛的主人，縱然天意弄化，傷病難免，我不但不願離開你，反而更希望躺在你雙手裡，倚在你膀臂中。直至最後一口氣，我仍深信：我在你手裡最為安全，至為穩妥。寵之天國

親愛的MILK MILK，十二年來你帶給我們的歡樂，你的笑容，你的叫聲，你的可愛，你的忠心，我們永遠都不會忘記。你一定要記住...我們永遠都是一家人，無論你去到多遠，你永遠都會在我們心中。

最愛嘅乖仔 我們永遠懷念你...