22個月頑皮的天使

熊貓女今天已經過了22個月, 多謝各位幼潛同學仔一起陪伴我上課.

媽媽覺得映希越大越活潑好動, 亦坐不來, 走不停. 有記性, 例如鍾意的玩具(手機, remote...), 又記得啲物件係屬於邊個, 成日攞住啲物件話俾番人... 其實係要手多多攪攪震 佢又行古惑, 明知媽媽唔俾玩DVD機, 佢會捉住媽媽隻手去掂部機. 仲有, 佢一做衰野就會望媽媽一眼, 睇吓有冇人知道!

不過, 佢有時好冇記性, 話咗唔可以一發脾氣就擲東西到地下, 同埋打小朋友, 但係佢被罰完又唔記得,

明明咁慘應該記得但又屢勸不聽... 好彩大家明白事理唔怪佢! 不過, 當熊貓女笑起來, 真係好似一個天使咁可愛, 令人忘記佢曵曵嘅一面...

佢開心時, 鍾意跳舞唱歌讀ABC錫嘴嘴做體操乜都得!  仲有一樣真係乖, 就係肯收拾自己嘅物件, 有手尾!

雖然佢語言表現平平, 但媽媽希望自己要多耐心同埋要多動腦筋鬥智力! 繼續努力!

我的朋友仔--妹妹Emily

我的飲奶相

仲要扮Baby? 呢件係熊貓女出院用嘅包被...好懷念

古惑樣...