中秋小聚

日期: 14.9.2008

好耐無見大家! 等我回憶一下中秋月圓之事件...

我先同Marcus仔獨處會所的波波池內. 佢見到我爬黎爬去又上又落後露出一副愕然樣... 好失禮... 

之後, 各位0705既靚仔靚女到左, 我地就一齊霸住個滑梯啦. 我, PY同Woody仔都好鍾意自己行樓梯滑落黎. 媽媽們真係追到氣咳!

小瑜都黎埋, 我地一齊影相. 雖然各自各精彩...

我唔知點解心情又唔好, 我瞓在地上. 媽媽叫我起我又唔聽. 姨姨笑我我又唔理. 好彩小瑜好似天使咁好用手溫柔地同媽媽一齊拉住我. 我起身後, 小瑜仲開心到拍手添...好感人呀 

今晚真係好開心, 我地可以有緣一齊同年同月既朋友仔一齊玩, 一齊經歷相同既成長階段. 上次大家仲係七個月既爬爬bb, 但依家我地又擒高擒低周圍走.  唔知下次又點呢?