信師父

不經不覺已經過了7個月, 但仍還未完成個評分篇, 真得要加把勁.

之前有blog友問有關攝影錄影, 就先講我的攝影師－信師父.  先講攝影, 下篇再講錄影.

因為大舞臺個場比較暗, 所以會幾難影. 一定搵已經影過個場嘅攝影師會有信心d.

Search 完一輪, 都不是有太多攝影師有影過, short list 咗”功”同” 信師父”. 由於”功”名氣已經大咗, 價錢亦隨之而起, 所以好快就confirm” 信師父”.

信師父是拍住” Gabriel Media Production” . GMP 負責video; 而信師父負責攝影. Confirmation 之後, 只須交video 個part 中50%訂俾GMP; 而信師父係唔使預先收訂. 雖然我都有一刻擔心, 但見個個blog友都係咁,  其實唔使收訂, 鬆動d更好啦.

328同大合照攝影師Woon

未睇相前已經很滿意大合照攝影師Woon 嘅服務.事原當所有賓客都走晒, 兼錄完感受後先發覺, 我忘記要求祗有我倆嘅 合照 (其實tiffany blue 個套都唔記得). 那刻Woon已經收拾好同我地say Goodbye. 但佢都冇黑面, 而且仲叫我地上台影,可以影埋盞水晶燈. 就係以下個張, 都好有水準.

328信師父&小明師父

327: 信師父打電話double confirm 個location 同提醒我要remind d 姊妹一定要準時到兼化好晒妝, 如果唔係好易over run. 師父果然細心, 好彩我d姊妹都好準時.

328: 信師父, 小明師父, Woon&昌哥準時到達. 先同我&姊妹影完一輪, 再落去同新郎兄弟影, 再上樓接新娘. 因為女家唔多長輩要斟茶而花車又遲到. 我地係海逸影咗唔少相. 好鍾意呢2張椅, 好襯我地套褂.

跟住係去男家斟茶, 食午飯. 攝於博藝會, 很grand 的感覺.

回門後, 攝於酒店內, 也很喜歡這張相.

回門之後就係期待已久的外拍. 原本預了2小時影相. 可惜個日大塞車, 塞咗成個鐘先由紅磡到銅鑼灣,  好彩都有不少靚相.

由於我地著住褂,引來不少途人目光, 甚至攝影. 更有人特別送上祝福, 很難忘.

328 係全球熄燈日, 當天更有2架電車於港島區呼籲.車上嘅青年更大聲呼叫, 祝我倆白頭到老, 永結同心

.

由於恐怕回程再次塞車及超時加鍾, 結果我地選擇搭地鐵返大舞臺, 信師資當然唔放過, 照影可也. 但其實於地鐵內好像不可以攝影作商業用途.

這張好有feel……偷情feel, haha

車內乘客很體貼, 自動於兩旁車門離開

評分 :   (５為最高)

改善: 攝影師應主動替2位新人於每套衫影2人合照.