Cocoon

新郎新娘褂-Cocoon

係褂呢個item上原本我是想穿傳統中式褂再戴埋鳳冠，怎知道媽咪話：太誇張啦！做戲咩！就係咁樣打沉咗我．如果剩穿褂好似冇咁得意，好似好成熟咁！係呢個時候於芝麻包blog中見到佢套Cocoon新潮褂很靚，很sharp & colorful！所以又要迫KP同我去睇一次，穿上身很有“叮一聲”嘅感覺！真的很肉痛！還記得之前做朋友R伴娘時，她用3千幾蚊買旗袍個陣，我真係很驚訝！怎知道我比她更狠，用2千幾”租”套褂．其實我都有掙扎過有試搵代替品，search咗成個星期，睇晒淘寶網有冇近似嘅，因為大陸應該大好多呢類刺繡品，結果都係徒勞無功．難得John都批准所以都豪一次．

328前2星期左右

Cocoon sale Kathy 致電問327幾點攞褂，confirm時間後我多口問句有冇新男仔褂，因為之前同John一齊上去confirm褂個陣，佢都有試男仔褂．可惜他喜歡的“龍龍褂”已經俾人book咗，剩番個套傳統style 上身黑色下身組色有個大紅繡球係心口個款，所以冇租到．點知Kathy真係話有新款返wor！我都知佢緊張會out budget，所以我叫埋6299一齊去，3把口一齊講服佢．去到佢一試上身，6299已經很喜歡，而且佢個套褂係全新ga！結果係我地hard sell底下，他無奈地租埋．去到328個日0個個都讚佢套褂很帥很特別，佢更係要多謝我地當日嘅”強迫”啦！

(之前有關褂嘅blog: Confirm 褂 & 傳統裙褂)

評分 : (５為最高)

         攞褂同還褂都很順利，不是太挑剔！態度很好呢！手工很好，褂都好新淨！

         唯獨是價錢......要扣一粒星