伴娘須知

zel 個伴娘係一次做伴娘，佢都問要做d咩。自己剛剛1月做完人地伴娘, 結論係伴娘伴娘絕對係一個妹仔嘅角色, 咩都可以要你幫手ga. 之前post 咗wo 個blog轉貼(Thanks, wo!!), 等我fine tune 下先

如有錯漏，請留言！

著O的乜？

你唔使煩呢樣, 我會負責ga la. 但鞋方面你要諗諗, 個日我著1.5”都攰咗2日. 所以一定要舒服。個日走走篴篴，分分鐘連坐o既時間都唔多，無謂咁虐待自己。

要有個小手袋，袋住我地個電話，紙巾特濕星野。

化妝方面都會包ga la

做O的乜？

最最最簡單同總括o黎講，o個日係做 "妹仔"。你要預計o個日會好辛苦，甚至食都無啖你食！我個日食完翅之後就冇停過同冇得食.

職責有：

1）陪新娘

之前o個晚過黎陪我啦，個日要寸步不離，陪住我傾計。

2）照顧新娘

細心留意新娘 － 使唔使幫佢拎住花球手套？佢個妝有無花到？使唔使補妝？佢使唔使飲O的水？食少少o野？佢使唔使去洗手間？

3）令到婚禮順利進行

好多朋友擺完酒o既感受係 "其實當日我自己完全唔知做乜。淨係個伴娘叫我行就行，影相就影相"。所以你一定要好清楚個 run down，咁先可以 提醒個新娘做乜 。

特別需要注意o既係當日o既 run down，尤其是係換衫時間表同上菜時間表。幾多點要去到邊，要做乜？幾點要換邊件衫？幾點上咩菜，上o個度菜前要換好邊件衫？套衫要襯咩頭飾首飾？換出o黎o既衫首飾擺好未？o的金器點處理？(不過我都唔會有好太多衫)

4） 管新娘房鎖匙

新娘房o既鎖匙好有可能係你 keep。如果係，每次有人要入新娘房，就算o個個係家姐阿妹阿嫂阿姑奶奶邊個都好，一定要同佢一齊入去，盡量條鎖匙唔好過太多人手。萬一有咩唔見咗就大件事！

新娘房有夾萬，係電腦夾萬，最好 諗定個你同我都記得o既密碼，同埋你一定要記住個密碼。唔好預計個新娘會記得。你應該預計佢一定唔會記得！

5）幫新娘換衫

如果可以之前最好睇一睇o的衫係點樣著O既，條拉鏈係側邊定後面？蝴蝶點綁O既？咁到時你幫新娘著上身就可以快o的。著o個時要 "鏡" 住件衫，條拉鏈拉唔到千其唔好用暴力。件衫要還o架！整爛咗首先即刻無衫換，而且仲要賠錢。離開新娘房之前再幫新娘睇一睇，係咪真係著好晒，有無走光？出咗去之後 make sure 隻門係鎖好咗。

6）幫新娘解圍

其中一個頗常遇見o既問題係當日好多親戚都想衝入新娘房，擺手袋呀，甚至媽咪奶奶要換衫。萬一有人唔識做（尤其係新娘唔方便話佢o既奶奶或其他男家親戚等等人物）霸住個新娘房好耐，係度阻礙流程，咁你就要諗辦法打圓場，free 番間房出o黎俾主角換衫。間房話明係 "新娘" 房，唔係俾o的三姑六婆係度打牙跤O既！

當然，呢個例子只係冰山一角。如果有O的親戚好麻煩，咁你就更加要辛苦O的。事先可以同新娘溝通一下，有無咩人係需要 "特別照顧"。

帶O的乜？

1）簡單補妝用品 － 自己需要補妝，新娘都可能需要你幫手

2）扣針仔，針線包仔 － 萬一新娘或者自己件紗甩咗線等等，呢O的O野就好有用

3）紙巾 － 隨時預備新娘O的感動位

仲有o的乜？

1）要好好照顧自己。一定要食O野打底，一有機會就食少少O野，飲o的水。

2）記住自己只係配角，主角係自己最好O既姊妹。盡力幫佢等佢有一個永世難忘O既婚禮。（其實我覺得做伴娘好威O架！係新份象徵。咁多朋友唔搵，係搵我喎！ ）

3）注意儀態 － 所有戥穿石，堂哥堂弟表哥表弟，及一眾未婚男士都留意緊你O架

4）執生！

最後，好多謝好多謝睇緊呢篇文o既 KP － zel 0既伴娘。個日靠晒你啦！