大舞臺飯店

我(地)對大舞臺飯店係一見鍾情．記得還未訂好日子之前，第一次去Wedding Expo狂風掃落葉式般搜集資料，經過覺得靚嘅先會攞，但就包羅萬有：酒店，會所，攝影，婚紗，化妝……

一看大舞臺的leaflet已經好喜愛，個場地很特別，尤其是彩色玻璃窗，很有教堂feel．令不是教徒的我(倆)於”教堂”行禮，又不用親朋好友穿梭行禮地點及擺酒地點．

之後同John認真相量場地，只剩下大舞臺及Eaton Hotel．但一睇floor plan 大舞臺已勝出，成個冇柱位．又有成3個投影screen，坐係邊都望得到．而且大舞臺亦比較便宜，又不用加一服務費呢！係confirm之前都要問4大長老意見，沒有開宗明意site visit反而相約媽咪於大舞臺食生日飯兼問她的意見，好彩她也很喜歡．由於6299係外地所以過少2關，而之前我亦以為John會先問6299意見，原來一直都沒有直至臨俾first deposit 個陣先打俾佢地．原本99唔太鍾意ga，因為係佢印象大舞臺好舊，之前係街市好似cheap cheap 地．但當她去到都十分滿意．

327

前一日去大舞臺放低一些佈置材料，因為天雨我們都要走咗2轉，雖然當天是blog友Elam 大日子，大家都忙於準備，但各員工都好helpful．而且有一驚喜就是有新枱花裝飾，之前蘋果個款很不俗，新的枱花是白玫瑰就更有wedding feel，我們是第6對新人使用！

328當日

我同John是外拍完才會場，可能實在太多親戚於新娘房，新娘竟然找不到一張椅子休息！

成晚大舞臺assign咗個staff JUDY 跟出跟入幫手．她超好人！當我企咗成個鐘影大合照後，她主動幫我按摩，超唔好意思！

整晚流程都ok，唯獨敬酒個陣反應慢d，唔係個個敬酒杯，有成村人企咗係度2分鍾．

完成晚宴後，由埋單到幫手持野落車都好nice，唔會主動叫我地俾tips，但我地當然都好識做啦！值得一讚ge係佢地會幫我地打包d食物因為成晚幾乎都冇食過，唯獨是冇打包個甜品(即場已經同經理反應，之後ge新人應該有甜品食)．

食物水準很好，件魚返到去ding 番熱食仲好好食．我本身都好挑剔10次幾乎9次去飲d魚都唔好食，不過今次真的很好，當然主家席水準又會再好d．其他賓客的comment 也ok，表姐食咗3碗萬壽果甜品tim．就連送的wedding cake 都有親戚讚好食！

評分 :  (５為最高)

新枱花

很有教堂feel

很grand 的水晶燈

免費附送之wedding cake(staff 很nice 可應我們要求，只塗上白cream，之後 d 士多啤梨&龍珠果係姊妹加上，原本deco用車厘子但得賣)

結婚蛋糕 預定設計