好幾lot淘寶

公司近來旺季又來臨, 忙到無時間寫blog, 放工回家又要陪阿妹(親子喎), 所以而家要濃縮d淘寶blog, 請大家見諒。

【4th lot】妹妹的3條內褲, 3對中筒衭及兩條飯巾。最開心係買3對中筒衭成為18大元, 係香港我搵左好幾間店都無, 一係短一係長, 無中筒, 如有又貴成廿蚊一對重要薄cheap cheap。

【5th lot】有維尼態圓形廁紙套及龍貓相機袋。

【6th lot】妹妹的三套秋季家居服, 4條內褲及兩件秋褸。點解豹媽成日都買內褲, 唔通豹妹個"小羅友"有針成日拮穿d內褲。d秋季家居服好抵呀, 成為30大元/一套, 有衫有褲, 其中一套重要係 H&M貨。那個店已經畀我收藏了。

【7th lot】有日望住阿妹個廁所覺得好寡, 想粉飾一下, 初初諗住自己print d花花草草、屋屋雞雞, 用木顏色油完再貼上去, 不過無聊又去淘寶網search下啦, 又畀我搵到有關的"牆貼"貨品喎, 現成公仔買回來只需貼上去即可, 唔講唔知咁樣成堆圖案都係8元咋, 好在我無自己整姐, 如果唔係真係做到雞提都未掂。