豹妹@中秋花燈設計比賽

成日都聽到d幼稚園學生d媽咪為左小朋友d功課頭痛，當時無咩感覺, 而且叫小朋友做米得羅。點知, 原來事情唔係咁簡單。d媽咪頭痛的唔係默書寫字的家課, 而係大時大節要回家親子一起做的手工家課。中秋節10月3日就係啦, 當然阿妹人生第一樣親子家課就係"設計花燈"啦。學校都幾高要求, 要一個兩歲幾的小朋友設計及制作一個要合"環保、實用、美觀"於一身的花燈, 米姐玩......玩死d父母。重要話交就交, 畀得個一個星期時間, 真係抓爆頭呀。

講環保爸厘最開心, 死都唔畀我買d手工紙做裝飾, 所有材料都要出自家裡原有物品。

材料有:

1) 個透明膠樽係我剛剛食完"美真香"d肉鬆春卷的包裝。

2)個張有個"古美人"的紙仔其實係"奇華月餅內的一張宣傳單張。

3)另外重有一本2009宜家家c的產品目錄, 佢話剪入面d cartoon 公仔喎。

剛開始時阿妹積極, 又話要剪剪, 又話搽膠水, 不過未過5分鐘, 佢有佢自己玩, 自己唱歌" 吹呀吹呀大波波、吹呀吹呀大波波、吹呀吹呀大波波、小心吹破"(佢近來的手本名曲, 佢唱到吹破時個樣好好笑, 唱到 O 形嘴), 我有我同爸厘剪呀貼呀!, 整個親子時間不足5分鐘, 死未。

最後制成品....登登登....名為" 中秋夜賞月去"的花燈誕生啦! (個朵又係學校要我地諗的。)

聽講學校日後重有好多野攪的, 每日都有通告要簽, 簽遲一日, 又寫落communication book樹, 阿妹返學就零壓力, 但父母就加壓力哦, 做父母真係慘, 出錢又出力, 連心力都要分畀小朋友。

聽講黎緊要開"萬聖節趴地", 睇怕去淘寶睇定d萬聖節服飾穩陣!