疑似@Mimi校園生活

Mimi返學都有兩個月了, 學校為左滿足我地lee班好奇的媽媽想了解多d小朋友係學園的生活, 所以拍左一d相放係互聯網上面供我地流灠, 要係百幾張相中搵返d有妹妹個樣的相都幾難, 好在學校有係每張相上面remark返lee張相係咩班別, 我地只需搵返下午N1 Apple班有關的相就得, 終於搵到五張咁多, 再細看發現三張有疑似妹妹的物體(白色圈圈住)。

【下圖】lee張我認到係認到條裙, 全班得阿妹條裙係咁長, 主因佢阿媽貪可以著幾年。呵呵! (不過如果K1轉校...就...動L)

【下圖】lee張都認到有阿妹份係除左側面個look + 個髮型好似之外, 另要用左手寫野的, 應該無十成都有九成。

【下圖】lee度係"模擬角", 專畀d小朋友玩家家玩具的。lee張係最易應架啦, 最後爸爸都用zoom的技術zoom到個名牌500%大, 好清楚見到"胡聿知"的大名, 所以我可以好肯定咁講lee個係妹妹唔係疑似哦。後面揸住個黃色boil個個小朋友, 阿妹話佢叫"Kitty"喎, 好似同阿妹好friend咁架喎, 妹妹每次一見到lee張相就指同我講" 媽媽lee個Kitty呀"。

睇黎妹妹返學都幾開心。

不過如果學校唔再要d小朋友上堂帶住個口罩, 下次可能d相會好應d。

期待10月份的照片, 又可以尋寶。