小小胡醫生

識阿妹的人都知阿妹好怕睇醫生, 每次去親診所, 未入門口, 就開始喊定先, 一喊一喊到睇完先肯收聲,用咩法寶都分散唔到佢d驚驚。

後來諗諗吓, 不如去淘寶樹買個醫生玩具同佢玩下可能會無咁驚青。

lee個醫生箱都幾抵玩, 45元人仔有28件東東。

【下圖】我帶左件東東入屋, 阿妹就係咁問: 媽媽咩黎架? 媽媽咩黎架? (心急得佢呀)

一拆包裝, 開心都連睇醫生都唔驚, 即刻帶起個聽筒係咁講:媽媽我幫你睇醫生呀, 請坐呀, 你有無肚仔痛痛呀, 成個醫生咁。

帶左副眼鏡好似.......IQ博士嘅....小雲。

【下圖】猛咁幫人睇醫生, 連姐姐都唔放過, 最慘係佢迫姐姐扮有肚仔痛痛, 重要人地揭起件身畀佢聽下個肚有無事。

【下圖】lee張相妹妹幾隔硬黎, 不擇手段地插枝針筒入爸爸個口, 係咁講食藥呀! 唔知我餵佢食藥時可唔可以咁樣呢?

【下圖】lee張係睇下爸爸有無"中耳炎"(耳仔發炎), 你睇爸爸個樣幾enjoy, 原來睇醫生可以咁梳乎架!

【下圖】我個人最like lee個"血壓計", 只要按氣制一下, 你的血壓就會爆燈140度架啦, 好正, 每次量我都話" 爆血管啦! 點算呀醫生", 妹妹會答: 唔驚架。都唔知點樣唔驚, 爆緊血管架喎....... (就咁睇, 阿妹好似放緊狗咁)

【下圖】影咁多張, 最like lee張, 妹妹將個mok牙鉗+塊照牙鏡一起隊入爸爸個口樹話要幫爸爸mok難牙，我最鐘意係爸爸大難臨頭對眼重係咁望實部電視機, 懶理阿妹就黎mok晒佢棚牙。

【下圖】睇完醫生, 重識開埋藥畀你架! 畀藥時重話要50蚊診金呀。真係入戲。